دۆناڵد ترەمپ، سەرۆكی ئەمریكا رایگەیاند، دەبێت ئێران و ئیسرائیل بگەنە رێككەوتن و رێككەوتنیش دەكەن. دەشڵێت، بەمزوانە ئاشتی لەنێوان ئیسرائیل و ئێران بەرقەرار دەبێت و لە ئێستا پەیوەندی و كۆبونەوەی زۆر لەوبارەیەوە هەن.
ئاوێنە: دۆناڵد ترەمپ، سەرۆكی ئەمریكا، ئێوارەی ئەمڕۆ یەكشەممە، لە پەیامێكدا لە تۆڕی تروس سۆشیاڵ رایگەیاند، دەبێت ئێران و ئیسرائیل بگەنە رێككەوتن، رێككەوتنیش دەكەن هەر وەكو ئەوەی كە لەنێوان هندستان و پاكستاندا كردم.
ئاماژەی بەوەشداوە، بەمزوانە ئاشتیمان لەنێوان ئیسرائیل و ئێران دەبێت، لەئێستادا پەیوەندیی تەلەفۆنی و كۆبونەوەی زۆر هەن.
لەكۆتایی پەیامەكەیدا ترەمپ نوسیویەتی، رۆژهەڵاتی ناوەڕاست مەزن بكەنەوە.