رافائیل گرۆسی، بەڕێوەبەری گشتی ئاژانسی نێودەوڵەتی وزەی ئەتۆم رایدەیاند، هیچ زیانێكی زیاتر بەر هەردو وێستگەی ئەتۆمی نەتەنز و فۆردوی ئێران نەكەوتوە.
ئاوێنە: رافائیل گروسی، بەڕێوەبەری گشتی ئاژانسی نێودەوڵەتی وزەی ئەتۆم، ئەمڕۆ دوشەممە، لە وتەیەكدا لە كۆبونەوەی نائاسایی ئەنجومەنی پارێزگارانی سەربە ئاژانسەكە، وتی، لەدوای هێرشەكەی رۆژی هەینی ئیسرائیلەوە بۆ سەر ئێران، كە تێیدا بەشی سەر زەوی وێستگەی نەتەنز كە تایبەتە بە پیتاندنی یۆرانیۆم، زیانی بەركەوت، هیچ زیانێكی زیاتر لە وێستگەكانی پیتاندنی یۆرانیۆمی نەتەنز و فۆردوی ئێران تۆمار نەكراوە.
گرۆسی وتیشی، ئاژانسی نێودەوڵەتی وزەی ئەتۆم لە ئێرانەو لە ئێرانیش دەبێت، لەگەڵ ئارامبونەوەی دۆخەكە دەستدەكەنەوە بە پڕۆسەكانی پشكنین.