رەجەب تەیب ئەردۆغان ڕایدەگەیەنێت، "له ئاست هه‌وڵه‌كانی ناتانیاهۆ بۆ گۆڕینی ناوچەکە بە گۆمی خوێن بێدەنگ نابین".
ئاوێنە: ڕەجەب تەیب ئەردۆغان، سەرۆک کۆماری تورکیا لەوتارێکدا ئاماژەی بەوەکرد،" سیاسەتە شەڕانگێزییەکانی ئیسرائیل هەڕەشە لە ئارامی و سەقامگیری ناوچەکەمان دەکات، پێویستە هەمومان کار بکەین بۆ ڕاگرتنی دڕندەییەکانی بەرامبەر بە غەززە کە بەهۆیەوە نزیکەی 57 هەزار کەس بونەتە قوربانی ".
ئەوەشیخستەڕوو، پاشخانی هێرشەکانی ئیسرائیل بۆ سەر لوبنان، سوریا و ئێران، سیاسەتی ناچارکردنی گەلی فەڵەستینە بۆ ملکەچبون.
لەبارەی شەڕی 12 ڕۆژی نێوان ئیسرائیل و ئێرانیش، ئەردۆغان وتی،" ئێمە لە یەکەم ڕۆژەوە ئەوەمان وتوە کە هێرشەکانی ئیسرائیل بۆسەر ئێران قبوڵنەکراوە و هەوڵێکی زۆرمان دا بۆ ئەوەی ناوچەکەمان پەلکێشی ناو کارەساتێکی گەورە نەبێت ".