ئێوارەی ئەمڕۆ چوارشەممە نرخی نەوت لە بازاڕەكانی جیهان زیاتر لە 1% بەرزبوەوە.
ئاوێنە: ئێوارەی ئەمڕۆ چوارشەممە، نرخی نەوت لە بازاڕەكانی جیهاندا بەرێژەی زیاتر لە 1% بەرزبوەوە، بەشێوەیەك لە ئێستادا یەك بەرمیل نەوتی خاوی برێنت بە 73 دۆلار و 34 سەنت و هەروەها یەك بەرمیل نەوتی خاوی تەكساس بە 70 دۆلار و 12 سەنت مامەڵەی پێوەدەكرێت.
بەرزبونەوەی نرخی نەوت دوای ئەوە دێت كە دۆناڵد ترەمپ، سەرۆكی ئەمریكا، ماوەی 10 بۆ 12 رۆژی مۆڵەت داوە بە پوتین تاوەكو كۆتایی بە جەنگی ئۆكرانیا بهێنێت، ئەگەر نا رێكاری سزای زیاتر بەرامبەر بە روسیا دەگرێتەبەر لەگەڵ سەپاندنی باجی گومرگی بە رێژەی 100% بەسەر هاوبەشەكانی روسیادا و هەروەها سەپاندنی باجی گەورە بەسەر ئەوانەی كە نەوتی روسی دەكڕن.