رێکخراوی خۆراک و کشتوکاڵی نەتەوە یەکگرتووەکان (فاو) رایدەگەیەنێت، لە مانگی تەمموزی ئەمساڵدا، نرخی خۆراک بۆ بەرزترین ئاستی دوو ساڵی رابردوو بەرزبووەتەوە.
ئاوێنە: رێکخراوەکە لە بەیاننامەیەکدا بڵاویکردەوە، بەپێی بەدواداچوونەکانیان، لە مانگی تەمموزی 2025ـدا، نرخی خۆراک تێکڕای 130.1 خاڵ بووە [بەپێی پێوەری نەتەوە یەکگرتووەکان]، کە بەراورد بە مانگی حوزەیران بە رێژەی 1.6% زیادیکردووە.
ئاماژەی بەوەشکرد، ئەمە بەرزترین رێژەیە لە مانگی شوباتی 2023ـوە تاوەکو ئێستا.
ئەوەشخراوەتەڕوو، بەرزبوونەوەی نرخی گۆشت و رۆنی رووەکی لە مانگی تەمموزدا، لە دابەزینی نرخی دانەوێڵە، بەرهەمە شیرەمەنییەکان و شەکر زیاتر بووە، ئەمەش بە هۆکارێکی سەرەکیی بەرزبوونەوەی نرخی خۆراک دادەنرێت.