نرخی نەوت لە بازاڕەكانی جیهاندا دابەزینی زیاتری بەخۆیەوە ئەوەش لەسایەی چاوەڕوانییەكان بۆ زیادبونی خستنەڕوی نەوت و بەرزبونەوەی نەوتی خاوی كۆگاكراو لە ئەمریكا.
ئاوێنە: رۆژی هەینی لە كاتی داخستنی بازاڕەكاندا نرخی نەوت دابەزینی زیاتری بەخۆیەوە بینی، بەشێوەیەك كە یەك بەرمیل نەوتی خاوی برێنت بۆ 65 دۆلار و 50 سەنت و یەك بەرمیل نەوتی تەكساس بۆ 61 دۆلار و 87 سەنت دابەزی.
دابەزینەكە لەكاتێكدایە كە بڕیارە سبەی یەكشەممە، وڵاتانی ئۆپیك پڵەس كۆببنەوەو بڕیاری زیادكردنی بەرهەمهێنانی نەوت بدەن و هەروەها لەلایەكی دیكەش راگەیەندرا كە نەوتی كۆگاكراو لە ئەمریكا لە هەفتەی رابردو بەبڕی 2.4 ملیۆن بەرمیل زیادیكردوە كە چاوەڕوان دەكرا كەم بوبێتەوە.