نرخی نەوت لە بازاڕەكانی جیهاندا بەرزبونەوەی بەخۆیەوە بینی و نرخی یەك بەرمیل نەوتی خاوی برێنت گەیشتە نزیكەی 67 دۆلار.
ئاوێنە: نرخی نەوت لە بازاڕەكانی جیهاندا بەرزبونەوەی بەخۆیەوە بینی، بەشێوەیەك كە رۆژی هەینی لە كاتی داخستنی بازاڕدا یەك بەرمیل نەوتی برێنت بە 66 دۆلار و 99 سەنت و هەروەها یەك بەرمیل نەوتی تەكساس بە 62 دۆلار و 69 سەنت مامەڵەی پێوەكرا.
بەرزبوەوەی نرخی نەوت پاش ئەوە دێت كە دوێنێ هێرشێكی درۆنی كردە سەر گەورەترین بەندەری روسیا لە رۆژئاوای ئەو وڵاتە كە ئەوەش بوە مایەی راگرتنی باركردنی نەوت لە بەندەرەكە.
بەگوێرەی قسەی شارەزایان ئەو جۆرە هێرشانە بۆ سەر ژێرخانی وزەی روسیا، كاریگەری نەرێنیان لەسەر هەناردەی نەوت و بەرهەمە نەوتییەكانی روسیا دەبێت.