ئیدارەی وزەی ئەمریکا بڵاوی کردەوە، هەفتەی ڕابردوو، هاوردەکردنی نەوتی خاو بۆ ئەمریکا، بە تێکڕا چوار ملیۆن و ٦٧٠ هەزار بەرمیل بووە لە ڕۆژێکدا، دەشڵێن، هەناردەی نەوتی عێراق بۆ وڵاتەكەمان بە تێکڕا ١٢٩ هەزار بەرمیل بووە لە ڕۆژێکدا، بەراورد بە هەفتەی پێشووش، ٤٦ هەزار بەرمیلی ڕۆژانە کەمیکردووە.
ئاوێنە: ئیدارەی وزەی ئەمریکا لەبارەی هەناردەی نەوتی عێراق بۆ وڵاتەكەیان لەماوەی هەفتەی ڕابردوودا ڕاگەیەندراوێكی بڵاوكردەوە، کە تیایدا هاتووە، هەفتەی ڕابردوو، هاوردەکردنی نەوتی خاو بۆ ئەمریکا، بە تێکڕا چوار ملیۆن و ٦٧٠هەزار بەرمیل بووە لە ڕۆژێکدا.
دەشڵێن، هەناردەی نەوتی عێراق بۆ وڵاتەكەمان بە تێکڕا ١٢٩ هەزار بەرمیل بووە لە ڕۆژێکدا، بەراورد بە هەفتەی پێشووش، ٤٦ هەزار بەرمیلی ڕۆژانە کەمیکردووە.
باس لەوەشكراوە، لە ماوەی هەفتەی ڕابردوو، کەنەدا گەورەترین وڵاتی هەناردەکاری نەوت بووە بۆ ئەمریکا، کە بە تێکڕا سێ ملیۆن و ٥٥٧ هەزار بەرمیلی لە ڕۆژێکدا هەناردەكردووە.
ئەوەش خراوەتەڕوو، پاش كەنەدا وڵاتی سعودییە دێت، بە تێکڕای ٣٤٩ هەزار بەرمیل لە ڕۆژێکدا، پاشان مەکسیک بە تێکڕای ٣٢١ هەزار بەرمیل لە رۆژێکدا.