كەشناسی هەرێم رای گەیاند، ئاسمانی هەرێمی كوردستان دەبێتە هەوری تەواو و پلەكانی گەرما ڕوو لە نزمبوونەوە دەكەن، پێشبینیش دەكرێت لە ناوچە سنوورییە شاخاوییەكان بەفر ببارێت.

ئاوێنە: ئەمڕۆ سێشەممە 24ی ئادار، ئاسمانی هەرێم هەوری تەواو دەبێت. پێش نیوەڕۆ بارانبارین لە ناوچەكانی كەركووك و گەرمیان دەستپێدەكات، پاشان لە دوای نیوەڕۆ و ئێوارەدا سەرجەم ناوچەكانی هەرێم دەگرێتەوە. 

لە ناوچەكانی گەرمیان هەورەبروسكەی لەگەڵ دەبێت و لە شەودا ڕێژەی بارانبارین لە گەرمیان، ڕۆژهەڵات و ناوەڕاستی هەرێم زیاتر دەبێت. خێرایی با لە نێوان 10 بۆ 15 كم دەبێت و پلەكانی گەرما كەمێك نزم دەبنەوە.

بەرزترین پلەكانی گەرمای ئەمڕۆ بە سیلیزی:
هەولێر: 18

پیرمام: 15

سۆران: 15

حاجی ئۆمەران: 8

سلێمانی: 16

چەمچەماڵ: 18

دهۆك: 16

زاخۆ: 16

هەڵەبجە: 16

گەرمیان: 19

پێشبینییەكانی سبەی چوارشەممە  25ی ئادار، ئاسمان بە درێژایی كاتەكان باراناوی دەبێت. بۆ ماوەیەكی كورت لە سنووری گەرمیان، كەركووك، ڕۆژهەڵاتی هەولێر و بەشێك لە چیاكانی دهۆك بارانی بەلێزمە دەبارێت.

 لە دوای نیوەڕۆوە بارانی مامناوەند و هەورەبروسكە بەردەوام دەبێت. لە درەنگانی شەودا بارانبارین لاواز دەبێت و لە ناوچە شاخاوییە سنوورییەكانی باكوور و باكووری ڕۆژهەڵات بەفرێكی كەم دەبارێت. پلەكانی گەرما 2 بۆ 4 پلە نزم دەبنەوە.

بەرزترین پلەكانی گەرمای سبەی بە سیلیزی:
هەولێر: 16

پیرمام: 13

سۆران: 12

حاجی ئۆمەران: 5

سلێمانی: 14

چەمچەماڵ: 16

دهۆك: 14

زاخۆ: 14

هەڵەبجە: 13

گەرمیان: 17