هه‌یبه‌ت حه‌لبوسی، سه‌رۆكی په‌رله‌مانی عێراق جه‌خت ده‌كاته‌وه كه هه‌ڵبژاردنی سه‌رۆك كۆمار له واده‌ی دیاریكراوی خۆیدا به‌ڕێوه‌ده‌چێت.
ئاوێنه: هەیبەت حەلبوسی، سه‌رۆكی په‌رله‌مانی عێراق، ئه‌مڕۆ دوشه‌ممه، له دانیشتنی په‌رله‌ماندا، رایگه‌یاند، دانیشتنی په‌رله‌مان بۆ هەڵبژاردنی سەرۆک کۆمار لە وادەی دیاریکراوی خۆیدا بەرێوەدەچێت.
وتيشى: ناوی ئەو پەرلەمانتارانە بڵاودەكرێتەوە كە ئامادەی دانیشتنەكە نابن.
ئه‌وه‌ش له‌كاتێكدایه كه پێشتر سەرۆكایەتی پەرلەمانی عێراق و سەرۆكی فراكسیۆنەكان رێككەوتن لەسەر دیاریكردنی رۆژی (11) ئەم مانگە، بۆ هەڵبژاردنی سەرۆك كۆمار.
هه‌روه‌ها هاوپەیمانی ئیدارەی دەوڵەتیش لە دوایین كۆبونەوەیدا، ستایشی هەوڵەکانی په‌رله‌مانی کردو جەختی لە گرنگی جێبەجێکردنی ئەرکە دەستورییەکان و دانانی بەرنامەی دانیشتنی پەرلەمان لە 11ی نیسانی 2026 كردەوە، بۆ هەڵبژاردنی سەرۆکی کۆمار، وەک سەرەتایەك بۆ پێکهێنانی حکومەتی نوێ.