کارۆلین لیڤیت، وتەبێژی کۆشکی سپی چەند کاتژمێرێک پێش تەواوبوونی وادەی دیاریکراوی واشنتۆن بۆ تاران ڕایگەیاند دۆناڵد ترەمپ سەرۆکی ئەمریکا "تاکە کەسە" کە دەزانێت "چی دەکات" بەرامبەر بەئێران.

ئاوێنە: وتەبێژی کۆشکی سپی جەختی لەوە کردەوە کە ڕێژیمی ئێران تا کاتژمێر ٨:٠٠ی پاشنیوەڕۆی هەیە بەکاتی واشنتۆن (٣:٠٠ بەیانی بەکاتی هەولێر) بۆ گەیشتن بەڕێککەوتن لەگەڵ ئەمریکا، ئیدارەی ئەمریکا داوای لە تاران کرد کە دەرفەتەکە بقۆزێتەوەو بەردەوام بێت لە دانوستانەکان، بەبێ ئەوەی چۆنیەتی و وردەکارییەکانی ڕێککەوتنەکە دیاری بکات.

کارۆلین لیڤیت وتی "دۆناڵد ترەمپ تاکە کەسە کە لەم کاتەدا هەڵوێستی وردی واشنتۆن لەدانوستانەکاندا دەزانێت و بەشێوەیەکی شەخسی هەنگاوەکانی داهاتووی لایەنی ئەمریکی بڕیار دەدات"، زانیاری زیاتر سەبارەت بە ئەگەری ڕێوشوێنە سەربازییەکان یان دیپلۆماسییەکان ئەگەر ئێران لە وادەی دیاریکراودا وەڵام نەداتەوە، نەخراوەتەڕوو.

ئەم لێدوانەی لیڤیت لە وەڵامی دوو پرسیاری جیاوازدا بوو کە پێشکەشی کۆشکی سپی کرابوو، ئاژانسی فرانس پرێس داوای لێکرد، لە لایەک، ڕوونی بکاتەوە کە ئایا ترەمپ بە نیازە چەکی ئەتۆمی لەدژی ئێران بەکاربهێنێت؟ لە لایەکی دیکەوە، ئایا ئەو زانیارییە ڕۆژنامەوانیانە راستن کە تاران هەموو پەیوەندییەکانی لەگەڵ ئەمریکادا پچڕاندووە؟

ئەم وادەیە لە کاتێکدایە کە زۆر گرنگە لە شەڕی ڕۆژهەڵاتی ناوەڕاستدا . کۆمەڵگەی نێودەوڵەتی بە نیگەرانییەوە لە نزیکەوە بەدواداچوون بۆ پێشهاتەکان دەکات، هاوکات شرۆڤەکاران ئاماژە بەوە دەکەن کە بڕیارەکەی سەرۆک ترامپ دەتوانێت ڕێڕەوی قەیرانەکان لە یەکێک لە ناوچە هەستیارەکانی جیۆپۆلەتیکی هەسارەکەدا دیاری بکات.

کۆشکی سپی بە توندی ئەوەی ڕەتکردەوە ئەگەری بەکارهێنانی چەکی ئەتۆمی لەدژی ئێران لەئارادا بێت، .

سەرۆک کۆماری ئەمریکا پێشتر ئەمڕۆ هەڕەشەی کردبوو کە "ئەمشەو تەواوی شارستانیەتێک دەمرێت، جارێکی دیکە هەرگیز ناگەڕێتەوە". 

دۆناڵد ترەمپ وادەکەی دیاریکردووە کە ئەمڕۆ کاتژمێر ٨:٠٠ی پاشنیوەڕۆ کۆتایی دێت. بەکاتی واشنتۆن (3:00 بەیانی چوارشەممە بەکاتی هەولێر) بۆ ئەوەی تاران گەمارۆی گەرووی هورمز هەڵبگرێت.