فراكسیۆنی رێكخراوی به‌در له په‌رله‌مانی عێراق، كه هادی عامری سه‌رۆكایه‌تی رێكخراوه‌كه ده‌كات رایگه‌یاند، به‌شداری له دانیشتنه‌كه‌ی ئه‌مڕۆی په‌رله‌مان ده‌كه‌ن كه تایبه‌ته به هه‌ڵبژاردنی سه‌رۆك كۆمار.
ئاوێنه: هومام عه‌لی مه‌هدی، سه‌رۆكی فراكسیۆنی رێكخراوی به‌در، ئه‌مڕۆ له راگه‌یه‌ندراوێكدا وتی، په‌رله‌مانتارانی فراكسیۆنه‌كه‌یان ئاماده‌ی دانیشتنی ئه‌مڕۆی په‌رله‌مان ده‌بن بۆ ته‌واوكردنی شایسته ده‌ستورییه‌كان و هه‌ڵبژاردنی سه‌رۆك كۆمار.
دانیشتنی په‌رله‌مان كه بڕیار بو سه‌عات 11ی پێشنیوه‌ڕۆی ئه‌مڕۆ ده‌ستپێبكات تاوه‌كو ئێستا گرێ نه‌دراوه.
تاوه‌كو ئێستا ئه‌م فراكسیۆنانه یه‌كلایی بونه‌ته‌وه كه به‌شداری دانیشتنه‌كه ده‌كه‌ن: فراكسیۆنی ئاوەدانكردنەوەو گەشەپێدان/ محەمەد شیاع سودانی، قوى الدولة الوطنية/ عەممار حەكیم، فركسیۆنی صادقون/ قەیس خەزعەلی، تەقەدوم/ محەمەد حەلبوسی، فراكسیۆنی بابلیۆن/ رەیان كلدانی، بەرەی توركمانی، فراكسیۆنی یەكێتیی نیشتمانی كوردستان كه نزار ئامێدی كاندیدیه‌تی بۆ پۆسته‌كه، فراكسیۆنی نەوەی نوێ و هه‌روه‌ها فراكسیۆنه‌كانی كۆمەڵ و یەكگرتو و رەوتی هەڵوێست كه یه‌ك كاندیدی هاوبه‌شیان بۆ پۆسته‌كه هه‌یه‌و موسەننا ئەمینه.
هه‌رچی به‌ره‌ی بایكۆتن پێكدێن له: فراكسیۆنی پارتی دیموكراتی كوردستان و فراكسیۆنی هاوپه‌یمانی دەوڵەتی یاسای نوری مالیكی.