سەرۆک وەزیران محەمەد شیاع سوودانی و سەرۆکی پارتی تەقەدوم محەمەد حەلبووسی، ئەمڕۆ یەکشەممە جەختیان کردەوە کە هەڵبژاردنی سەرۆک کۆمار هەنگاوێکی یەکلاکەرەوەیە بۆ بەردەوامبوون لە تەواوکردنی پێکهێنانی حکومەتێک کە تەواوی خواستەکانی هاوڵاتییان بەدیبهێنێت.
ئاوێنە: لە ڕاگەیەندراوێکی نووسینگەی سوودانیدا، هاتووە: "سەرۆک وەزیران لەگەڵ محەمەد حەلبووسی، سەرۆکی پارتی تەقەدوم کۆبووەوە".
هەروەها ئاماژە بەوە دراوە: "لە دیدارەکەدا باس لە بارودۆخی سیاسی عێراق و گرنگی یەکلاکردنەوەی شایستە نیشتمانییە گرنگەکە کرا کە ئەویش هەڵبژاردنی سەرۆک کۆمارە، کە بە هەنگاوێکی یەکلاکەرەوە دادەنرێت بۆ بەردەوامبوون لە تەواوکردنی پێکهێنانی حکومەتێک کە وەڵامدەرەوەی خواستەکانی هاوڵاتییان بێت و توانای ڕووبەڕووبوونەوەی ئەو تەحەدییە جۆراوجۆرانەی هەبێت کە ڕووبەڕووی وڵات دەبنەوە".
لە کۆتاییدا هاتووە: "کۆبوونەوەکە تیشکی خستە سەر پەرەسەندنەکانی ناوچەکە و ئەو هەوڵانەی لەسەر ئاستی هەرێمی و نێودەوڵەتی دەدرێن بۆ ڕێگریکردن لە فراوانبوونی بازنەی ململانێکان و دوورخستنەوەی عێراق لە شوێنەوار و لێکەوتەکانی جەنگ".