به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی هه‌رێمی كوردستان رایگه‌یاند، ئه‌مڕۆ ئه‌گه‌ری بارانبارینی كورتخایه‌ن هه‌یه‌ و به‌گشتیش تا شه‌ممه‌ی داهاتو كه‌شی ناوچه‌كان ساماڵ ده‌بێت و هیچ شه‌پۆلێكی بارانبارین له‌ئارادا نیه‌.

ئاوێنە: به‌گوێره‌ی پێشبینیه‌كانی به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی، ئه‌مڕۆ سێشه‌ممه‌ ئاسمان ساماڵ و په‌ڵه‌ هه‌ور ناوچه‌ شاخاوییه‌كان و ناوچه‌ نیمچه‌ شاخاوییه‌كان و ناوچه‌ سنورییه‌كان ئاسمانی نیمچه‌ هه‌ور و هه‌ندێك كات له‌ ناوچه‌یه‌كی دیاریكراو له‌سه‌ر ناوچه‌ شاخاوییه‌كان ئه‌گه‌ری چڕبونه‌وه‌ و دابارین هه‌یه‌ به‌ شێوه‌یه‌كی كورتخایه‌ن له‌ هه‌ندێك كاتی دوای نیوه‌ڕۆ كه‌ به‌شێوه‌ی بارانی به‌هاری ده‌بێت، وه‌ك پێشبینی كه‌شی ناوچه‌كه‌مان له‌ ئه‌مڕۆوه‌ تا ڕۆژی شه‌ممه‌ هه‌رێمی كوردستان له‌ ژێر كاریگه‌ری هیچ شه‌پۆلێكی باران نیه‌. 

ئاماژه‌ی به‌وه‌شكردوه‌، سبه‌ی چوارشه‌ممه‌ كه‌شی ناوچه‌كه‌مان به‌ گشتی ئاسمان ساماڵ و په‌ڵه‌ هه‌وره‌ ناوچه‌ شاخاوییه‌كان نیمچه‌ هه‌ور ده‌بێت، پله‌كانی گه‌رماش چه‌ند پله‌یه‌ك رو له‌به‌رزبونه‌وه‌ ده‌كه‌ن.

به‌رزترین پله‌كانی گه‌رمای پێشبینیكراو به‌ پله‌ی سیلیزی
هه‌ولێر: 20 پله‌ی سیلیزی 
پیرمام: 16 پله‌ی سیلیزی
سۆران: 16 پله‌ی سیلیزی 
حاجی ئۆمه‌ران: 10پله‌ی سیلیزی 
سلێمانی: 18 پله‌ی سیلیزی
چه‌مچه‌ماڵ: 19 پله‌ی سیلیزی
دهۆك: 19 پله‌ی سیلیزی
زاخۆ: 19 پله‌ی سیلیزی 
هه‌ڵه‌بجه‌: 20 پله‌ی سیلیزی
گه‌رمیان: 23 پله‌ی سیلیزی