وەزارەتی گەنجینەی ئەمریکا، سزای بەسەر حەوت فەرماندەی میلیشیا عێراقییەکاندا سەپاند کە بەرپرسن لە پلانداڕشتن، ئاراستەکردن و جێبەجێکردنی هێرشەکان بۆ سەر کارمەندان، دامەزراوەکان و بەرژەوەندییەکانی ئەمریکا لە عێراق.

ئاوێنە: ئەو کەسانەی لە هەنگاوەکەی ئەمڕۆدا کراونەتە ئامانج، سەرکردەی هەندێک لە توندوتیژترین ڕێکخراوە میلیشیاکانی عێراقن کە هاوپەیمانی ئێرانن، لەوانە:  

1ـ عەممار جاسم کازم، فەرماندەی کەتائیبی حیزبوڵلا

2ـ رەزوان یوسف حەمید، بەرپرسی باڵای کەتائیب 

3ـ حەسەن دیاب حەمزە، بەرپرسی باڵای کەتائیب 

4ـ سەفا عەدنان جەبار، بەرپرسی باڵا و فەرماندەی سەربازی

5ـ خالید جەمیل عەبدولبەخەترە، بەرپرسی باڵای کەتائیب 

6ـ سەعید کازم مەخمیس، بەرپرسی باڵای کەتائیب 

7ـ هیشام هاشم جەیسوم، راهێنەری سەربازی لە حەرەکەی نوجەبا

سکۆت بێسێنت، وەزیری گەنجینەی ئەمریکا ڕایگەیاند: "ئێمە ڕێگە نادەین میلیشیا تیرۆریستییەکانی عێراق، کە لەلایەن ئێرانەوە پشتیوانی دەکرێن، هەڕەشە لە ژیان یان بەرژەوەندییەکانی ئەمریکا بکەن." هەروەها وتی: "ئەوانەی ئاسانکاری بۆ توندوتیژییەکانی ئەم میلیشیایانە دەکەن، ڕووبەڕووی لێپرسینەوە دەبنەوە."