ئیسماعیل قائانی بەسەردانێکی چاوەڕواننەکراو گەیشتە بەغدا، وا بڕیارە سبەینێش تۆم باراک سەردانی بەغدا بکات.
ئاوێنە: بەپێی هەوالی میدیاکانی عێراق، ئیسماعیل قائانی، سەرکردەی فەیلەقی قودسی سوۆای پاسداران، بەسەرۆکایەتی شاندێکی کە چەند گەورە فەرماندەیەکی سوپای پاسداران لەخۆدەگرێت، گەیشتە بەغداو وا بڕیارە لەگەڵ جەند سەرکردەیەکی حەشدی شەعبی‌و گروپەکانی سەر بە"مقاوەمە"ی هاوپەیمانی ئێران کۆبێتەوە بەمەبەستی هەماهەنگی کردن بۆ چالاکانیەکانی قۆناغی داهاتوویان.
هاوکات بەپێی ئەو زانیاریانەی بڵاوکراونەتەوە، وا بڕیارە سبەینێ تۆم باراک، باڵوێزی ئەمەریکا لەتورکیاو نێردەی ترەمپ بۆ عێراق‌و لوبنان، سەردانی بەغدا بکات بەمەبەستی گفتوگۆکردن بەکۆتاییهێنان بەچالاکی ئەو هێزانەی سەر بە"بریکاری" ئێران دادەنرێن لەعێراقدا.