پەرلەمانتارێکی عێراقی دەڵێت: بەهۆی سەرقاڵی ئەمریکا بە جەنگەوە نەیتوانیوە هەورەکانی عێراق و ئێران بدزێت بۆیە بارانێکی زۆر لەناوچەکە دەبارێت.
ئاوێنە: عەبدوڵا خەیکانی پەرلەمانتاری فراکسیۆنی بەدر لە لێدوانێکی ڕۆژنامەوانییدا ڕایگەیاند؛ هۆکاری وشکەساڵیی ساڵانی ڕابردوو نە گۆڕانی کەشوهەوا بووە و نە قەتیسبوونی گەرمی، بەڵکو “دزیی هەور”ـەکان بووە لەلایەن ئەمریکاوە.
بەوتەی ئەو پەرلەمانتارە ئەمساڵ ئەمریکا ئەوەندە سەرقاڵی شەڕ بووە لەگەڵ ئێران، کاتی ئەوەی بووە هەورەکانی ئاسمانی عێراق و ئێران بدزێت، هەربۆیە ئەمساڵ بارانێکی زۆر باری و زستان و بەهارێکی تەڕبوو لە عیراق.
ئەو لێدوانەی خەیکانی کاردانەوەی جۆراو جۆری لێکەوتەوەو بەشیک لە میدیاکان وەک گاڵتەجاڕییەک بابەتی جۆراوجۆریان لەسەر ئەو لێدوانە بڵاوکردووەتەوە.
لە ساڵی ٢٠١٨ـدا بەرپرسێکی سەربازی ئێرانی بانگەشەیەکی هاوشێوەی کرد و ئیسرائیلی بە دزینی هەور تۆمەتبار کرد، بەڵام دواتر ئەو بانگەشەیە لەلایەن سەرۆکی ڕێکخراوی کەشناسی ئێران ڕەکرایەوە.