وتەبێژی حکومەتی ئێران دەڵێت "پەنجەمان لەسەر پەلەپیتکەیە، پێش ئەگەری دانوستانەکان و هێزە چەکدارەکان لە"ئامادەباشی تەواو دان، لەبەرئەوەی متمانەمان بەئەمریکا نییە".
ئاوێنە: فاتمە موهاجرانی نەپشتڕاستی کردووەتەوەو نەبەڕاشکاوی ئەگەری بەشداریکردنی ئێرانی لەخولی داهاتووی دانوستانەکان لەئیسلام ئابادی پاکستان ڕەتکردووەتەوە.
ئەو وتی "دوو ستراتیژمان لەبەردەمدایە، یەکەمیان ستراتیژی شەڕەو دووەمیان ستراتیژی دیپلۆماسییە".
ئاماژەی بەوەشکرد، تیمی دانوستانکاری ئێران "تەنانەت بچوکترین سازش لەسەر بەرژەوەندییە نیشتمانییەکان ناکات".