لە گەڕەکی شۆڕشی شارۆچکەی بەردەڕەشی سەربە پارێزگای هەولێر تەقە لە ماڵێک کرا و بە هۆیەوە دوو کەس برینداربوون.
ئاوێنە: بە گوێرەی زانیارییەکان بریندارەکان دوو منداڵن، کە تەمەنیان ١٠ ساڵ و ١٤ ساڵە، دوای ڕووداوەکە، دەستبەجێ گەیەندراونەتە نەخۆشخانەی فریاکەوتنی بەردەڕەش بۆ وەرگرتنی چارەسەری پێویست.
تاکو ئەم ساتە، هۆکاری سەرەکیی ئەم هێرشە و ناسنامەی تەقەکەرەکان ڕوون نەبووەتەوە، لایەنە پەیوەندیدارەکان و پۆلیس هێشتا هیچ ڕوونکردنەوەیەکی فەرمییان لەبارەی وردەکاریی ڕووداوەکە و دەستگیرکردنی تەقەکەرەکان بڵاونەکردووەتەوە.
پۆلیسی ناوچەکە دەستی بە لێکۆڵینەوە لە ڕووداوەکە کردووە.