دوای پێکدادانەکانی شەوی ڕابردوو، موقتەدا سەدر داوای لە هەموو هێزە فەرمی و نافەرمییەکانی سەرەیا سەلام کرد لە کەربەلا چەکەکانیان دابنێن.
ئاوێنە: موقتەدا سەدر، ڕێبەری ڕەوتی سەدر لە نوسراوێکدا چەند ڕێنماییەکی سەبارەت بە پێکدادانەکانی شەوی ڕابردوو لە کەربەلا بڵاوکردەوە و تیایدا داوا لە هەموو هێزە فەرمی و نافەرمییەکانی سەرایا سەلام (کە باڵی سەربازیی ڕەوتی سەدرە) کرد، کە لە پارێزگای کەربەلا چەکەکانیان دابنێن.
سەرد هێمای بۆ ئەوەشکردووە، سەرکردایەتی سەرایا سەلام بونیادبنێتەوە و هەموو ئۆتۆمبێلە تایبەتەکانیش بکشێننەوە.
ئەم رێنمایەی موقتەدا سەرد دوای ئەوە دێت،شەوی ڕابردوو لە پارێزگای کەربەلا پێکدادانی چەکداری روویدا، کە گرووپێکی جیابووەوە لە سەدر بە ناوی ئەزهەرییەکان لەگەڵ چەکدارەکانی سەرایا سەلام بە شەڕ هاتوون و بەهۆیەوە ژمارەیەک چەکدار کوژران و برینداربوون، دواتر هێزە ئەمنییەکان دەستێوەردانیان کرد.
