بەپێی پێشبینییەکانی ئاراس جەبار، شارەزای کەشناسی، بەهۆی نزمەپاڵەپەستۆی دەریای سوور و بارستەهەوایەکی ساردەوە، شەپۆلێکی بەهێزی کەشوهەوا هەرێمی کوردستان دەگرێتەوە:
ڕۆژی سێشەممە:
بەرەبەیان: دەستپێکردنی تاوەباران و هەورەبرووسکە لە (گەرمیان، سلێمانی، هەڵەبجە، کەرکووک).
نیوەڕۆ: فراوانبوونی شەپۆلەکە بۆ ناوچەکانی (راپەڕین، سۆران، هەولێر، دهۆک).
دوای نیوەڕۆ و شەو: شەپۆلەکە لە (سلێمانی، هەڵەبجە، کەرکووک، گەرمیان) زۆر بەهێز دەبێت؛ ئەگەری شەستەباران، تەرزەی توند و بەرزبوونەوەی ئاستی ئاو هەیە.
گۆڕانکارییەکانی تر: پلەکانی گەرما بەراورد بە ئەمڕۆ ٣ بۆ ٤ پلە دادەبەزن و خێرایی با (١٥-٢٥ کم/ک) دەبێت.
ڕۆژی چوارشەممە:
سەنتەری شەپۆلەکە: مەترسییەکە دەگوازرێتەوە بۆ (دهۆک، بادینان، سۆران، راپەڕین)، ئەگەری لافاو و شەستەبارانی توند هەیە.
ناوچەکانی تر: لە (سلێمانی، هەڵەبجە، کەرکووک، باکووری گەرمیان، سەنتەری هەولێر) ناوبەناو تاوەبارانی بەخوڕ و تەرزە بەردەوام دەبێت.
گۆڕانکارییەکانی تر: پلەکانی گەرما ١ بۆ ٢ پلەی تریش دادەبەزن.
تێبینی: لە ئێوارەی ڕۆژی چوارشەممەوە کاریگەریی ئەم شەپۆلە لاواز دەبێت و کەشوهەوا جێگیر دەبێتەوە.