بەهۆی هێرشەكانیان بۆسەر بنكە و بارەگا دیپلۆماسییەكانی ئەمەریكا لە عێراق و سوریا، ئەمەریكا بە فەرمی (ئەکرەم عەباس کەعبی)، دامەزرێنەر و سەرۆکی بزووتنەوەی نوجەبای عێراقی خستە لیستی تیرۆرەوە.
ئاوێنە: وەزارەتی دەرەوەی ئەمریكا لە ئاگادارییەکدا بڕی 10 ملیۆن دۆلار پاداشت بە هەركەسێك دەبەخشێت زانیاری بدات لەبارەی ئەكرەم كەعبی.
ئاماژەی بەوەشکرد، کەعبی مێژوویەکی دوور و درێژی هەیە لە بە ئامانجگرتنی هێزەکانی ئەمریکا و دامەزراوە دیپلۆماسییەکان لە عێراق.
هۆكاری ئەو بڕیارەی ئەمەریكاش، بۆ ئەوە دەگەڕێتەوە، كە بزووتنەوەی نوجەبا لە هێرشکردنە سەر بنکە و بارەگا سەربازییەکان و دیپلۆماسییەکانی ئەمەریکا لە عێراق و سووریا تێوەگلاون. بەهۆی هێرشەكانی بزووتنەوەكەش، بەڵێندەرێکی ئەمەریکی کوژراوە و چەندین سەربازی دیكەیش بریندار بوون.