وتەبێژی وەزارەتی دەرەوەی ئەمریکا رایگه‌یاند، به‌وردی چاودێری پرۆسەی پێکهێنانی حکومەتی عێراق دەكەن و نابێت میلیشیاكانی تێدا بێت و له‌سه‌ر ئەم بنەمایەش مامەڵە لەگەڵ حكومەتی نوێی عێراق دەكەن.
ئاوێنه: وتەبێژی وەزارەتی دەرەوەی ئەمریکا بۆ كه‌ناڵی حوڕه رایگه‌یاندوه، واشنتۆن بەردەوامە لە چاودێریکردنی وردی پرۆسەی پێکهێنانی حکومەتی عێراق و بەغدا بژاردەیەکی هەیە دەبێت ئەنجامیبدات سەبارەت بە بەشداریکردنی گروپە چەکدارەکان لە حکومەتدا.
وتەبێژەکە جەختی لەوە کردەوە، نابێت میلیشیا تیرۆریستییەکانی سەر بە ئێران هیچ رۆڵێکیان لە دامودەزگاکانی دەوڵەتدا هەبێت، هەروەها نابێت پارەی حکومەتی عێراق بە هیچ شێوەیەک بۆ پشتیوانی لەم میلیشیا تیرۆریستیانە بەكاربهێنرێت.
وتوشيەتى، ئەمریکا لەسەر ئەم بنەمایە سیاسەتی خۆی لەگەڵ حکومەتی نوێدا پیادە دەكات.