ئێوارەی ئەمڕۆ شەممە، لەگەڵ داخستنی بازاڕەکانی دراو لە یەکەم ڕۆژی دەستپێکی هەفتەدا، نرخی سەرفکردنی دۆلاری ئەمریکی لە بازاڕەکانی پایتەختی عێراق پاشەکشەیەکی کەمی بەخۆیەوە بینی، لە کاتێکدا لە شاری هەولێر نرخەکان ڕوویان لە بەرزبوونەوەیەکی ڕێژەیی کرد.
ئاوێنە: بەپێی زانیارییەکان، لە هەردوو بۆرسەی ناوەندیی "کفاح" و "حارسیە" لە شاری بەغدا، نرخی ١٠٠ دۆلاری ئەمریکی دابەزی بۆ ١٥٣ هەزار و ٨٠٠ دیناری عێراقی، ئەمەش لە کاتێکدایە کە سەرلەبەیانی ئەمڕۆ لە کاتی کردنەوەی بازاڕدا نرخەکەی ١٥٣ هەزار و ٩٠٠ دینار بوو.
لە لایەکی دیکەوە، لە نووسینگە و دوکانەکانی ئاڵوگۆڕی دراو لە بازاڕە ناوخۆییەکانی بەغدا، نرخی دۆلار هەمان شەپۆلی دابەزینی گرتەبەر؛ بە شێوەیەک نرخی فرۆشتنی ١٠٠ دۆلار گەیشتە ١٥٤ هەزار و ٢٥٠ دینار، لە بەرامبەریشدا نرخی کڕینی ١٠٠ دۆلار بە ١٥٣ هەزار و ٢٥٠ دینار مامەڵەی پێوەکرا.
سەبارەت بە بازاڕەکانی دراو لە شاری هەولێری پایتەختی هەرێمی کوردستان، ئاراستەی نرخەکان پێچەوانە بوو، بە جۆرێک نرخی دۆلار لە کاتی داخستنی بازاڕدا بەرزبوونەوەیەکی کەمی تۆمارکرد. بەپێی دوایین مامەڵەکان، نرخی فرۆشتنی ١٠٠ دۆلاری ئەمریکی بە ١٥٣ هەزار و ٦٠٠ دینار دیاریکرا، هەروەها نرخی کڕینیشی گەیشتە ١٥٣ هەزار و ٥٠٠ دینار.