جەمال کۆچەر، ئەندامی لیژنەی دارایی لە پەرلەمانی عێراق، دڵنیایی دەداتە فەرمانبەران کە نەبوونی یاسای بودجەی گشتی، هیچ مەترسییەک لەسەر دابەشکردنی مووچەکانیان دروست ناکات.
ئاوێنە: بە وتەی ئەم پەرلەمانتارە، حکوومەتی عێراق پشت بە سیستەمی (١/١٢) دەبەستێت بۆ دابینکردنی مووچە و خەرجییە بەردەوامەکانی وەزارەتەکان. هاوکات جەخت لەوەش دەکاتەوە کە خەرجییە سەرەکییەکانی وەک کارەبا، غاز و سووتەمەنی بەبێ یاسای بودجەش بەردەوام دەبن و پارەیان بۆ تەرخان دەکرێت.
سەبارەت بە چارەنووسی بودجەی ئەمساڵیش، کۆچەر ئاماژەی بەوە کرد کە سێ ئەگەر لە ئارادان؛ دیارترینیان پەسەندکردنی "بودجەیەکی کورتکراوە"یە، یان پەنابردنە بەر دەرکردنی یاسایەکی تایبەت بە قەرز بۆ دابینکردنی خەرجییە پێویستەکانی حکوومەت.