مهسرور بارزانی، سهرۆكی حكومهتی ههرێم و ههیبهت حهلبوسی، رایدهگهیهنن كه پێویسته کێشە هەڵپەسێردراوەکانی نێوان هەرێمی کوردستان و بهغدا لەسەر بنەمای دەستور چارهسهر بكرێن و جهختیش له گرنگی پەسەندکردنی ژمارەیەک پڕۆژە یاسا دهكهنهوه کە مافەکانی گشت پێکهاتەکان بپارێزێت لەسەر بنەمای ڕێزگرتن لە سیستەمی فیدراڵی و قەوارەی دەستوری هەرێمی کوردستان.
ئاوێنه: حكومهتی ههرێم له راگهیهندراوێكدا وتی، ئەمڕۆ شەممە، مەسرور بارزانی، سەرۆکی حکومەتی هەرێم، لە بەغدا لهگهڵ هەیبەت حەلبوسی، سەرۆکی پهرلهمانی عێراق کۆبوەوە.
لە کۆبونەوەکەدا، جەخت لە ڕۆڵی پهرلهمانی عێراق وەک دامەزراوەیەکی گرنگیی یاسادانان بۆ خزمەتکردنی گشت پێکهاتەکان و چارەسەرکردنی کێشەکان کرایهوه.
بهگوێرهی راگهیهندراوهكه، هەردولا هاوڕابون لەسەر پێویستی چارەسەرکردنی کێشە هەڵپەسێردراوەکانی نێوان هەرێمی کوردستان و حکومەتی فیدراڵ لەسەر بنەمای دەستورو لەم ڕوەوە جەخت لە گرنگی ئامادەکردن و پەسەندکردنی ژمارەیەک پڕۆژە یاسای نیشتمانیی کرایەوە کە مافەکانی گشت پێکهاتەکان بپارێزێت لە سەر بنەمای ڕێزگرتن لە سیستەمی فیدراڵی و قەوارەی دەستوری هەرێمی کوردستان .