مهزههر محهمهد ساڵح، ڕاوێژکاری سەرۆک وەزیرانی عێراق بۆ کاروباری دارایی، ئەمڕۆ چوارشەممە جەختی کردەوە کە عێراق گۆڕانکاریی گەورە بهخۆیهوه دهبینێت چونكه عەلی زەیدی، سەرۆک وەزیران، داوای لە وەزارەتی دارایی کردوە پلانێکی درێژخایەن ئامادە بکات و فەلسەفەی خۆی وەک دابەشکهری موچە بگۆڕێت. هاوکات ئاماژەی بەوەش کرد کە وەزارەتی دارایی ڕۆڵێکی گەورە دەگێڕێت لە گۆڕینی فەلسەفەی سیستمی ئابوریدا.
ئاوێنه: مهزههر محهمهد ساڵح، ڕاوێژکاری سەرۆک وەزیرانی عێراق بە ئاژانسی هەواڵی عێراقی راگەیاند: "ڕاسپاردنی وەزیری دارایی لەلایەن سەرۆک وەزیران، عەلی زەیدییەوە، بۆ ئەوەی ببێتە جێگری ئەو لە سەرۆکایەتیکردنی ئەنجومەنی وەزاری بۆ ئابوری، لەگەڵ فەلسەفەی دەوڵەتی مۆدێرن و فەلسەفەی حکومەتی نوێدا دەگونجێت، چونکە وەزارەتی دارایی وەزارەتێکی ئاسایی نییە، بەڵکو وەزارەتێکی سیادییه و کار بۆ پلاندانان و بنیاتنانی داهاتوی ئابوریی عێراق دەکات و کەشی هاوبەشی نێوان دەوڵەت و کەرتی تایبەت فهراههم دهكات.
وتیشی"ئەنجومەنی وەزاری بۆ ئابوری، نوێنەرایەتی داڕشتنی سیاسەتە ئابورییەکان دەکات و تەنانەت سیاسەتی دارایییش ڕۆڵی ئابوری خۆی لەگەڵ سیاسەتەکانی دیکەدا دەگێڕێت و پێویستە لە چوارچێوەی ئەنجومەنی بچوککراوەی وەزارەتدا کار بکات".
ڕونیشیکردەوە "گۆڕانکارییەکی دامەزراوەیی بەرەو فەلسەفەی دەوڵەت هەیە، وەزارەتی دارایی گەورەترین ڕۆڵ دەبینێت لە گۆڕینی فەلسەفەی سیستمی ئابوری و دروستکردنی هاوبەشی لە نێوان دەوڵەت و بازاڕدا"، ئاماژەی بەوەش کرد کە "عێراق گۆڕانکاری گەورە بهخۆیهوه دهبینێت، چونکە سەرۆک وەزیران داوای لە وەزارەتی دارایی کردوە پلانێکی درێژخایەن ئامادە بکات و وەزارەتی دارایی فەلسەفەی خۆی لە دابەشکەری موچە و کرێ و سندوقدارییەوە بگۆڕێت بۆ وەزارەتێک کە فەلسەفەکە بگۆڕێت و جێگیرەکان و گۆڕاوەکانی دۆخی ئابوری لە چوارچێوەی دیدگای عێراقی 2035دا جێگۆڕکێ پێ بکات".
هێمای بۆ ئهوهش كرد "ئەوەی وەزارەتی دارایی پلانی بۆ دادەنێت و هەوڵی جێبەجێکردنی دەدات، لە ناوخۆی ئەنجومەنی وەزاری ئابورییەوە جێبەجێ دەکرێت."
ئهوهشی خستهڕو"جێبەجێکردنەکە گەورەیە و لە دیوانی چاودێری داراییەوە دەستپێدەکات تاوەکو دەگاتە وەزارەتە سەرەکییەکانی وەک پیشەسازی و کشتوکاڵ و هەروەها چاودێریکردنی بازاڕە داراییەکان"، جەختیشی کردەوە کە "هاوڵاتی ئامانجی سەرەکییە لە گەشەپێدانی بەردەوام، بوژانەوەی بژێوی ژیان و بەختەوەری مرۆڤی عێراقی".
ڕونیشیکردەوە "بانکی ناوەندیی عێراق خاوهنی سەربەخۆیی و لە کارەکانیدا فەرمان لە حکومەت وەرناگرێت، بەڵام لە ڕێگەی ئەنجومەنی وەزاریی ئابورییەوە کە وەزیری دارایی سەرۆکایەتی دەکات هەماهەنگی دەکات." وتیشی "ئەنجومەنێک بۆ سەقامگیریی ئابوری و نەختینه و دارایی هەیە کە بابەتە ئابورییەکانی تێدا دەخرێنەڕو و سەرجەم وەزارەتە ئابورییەکانیش ئەندامن لەو ئەنجومەنەدا."