ههر سێ فراكسیۆنی ههڵوێست، یهكگرتو و كۆمهڵ رایدهگهیهنن كه بەهیج شێوەک بێدەنگ نابین لە ئاست ئەو ستەم و نادادی و کەمتەرخەمییەی بەرامبەر بە هاوڵاتیانی هەرێم دەکرێت و هەمو ڕێگایەکی یاسایی و ئیداری دهگرتنهبهر بۆ ڕێگریکردن لە قۆرخکاری و بەرزبونەوەی نرخی بەنزین و غاز.
ئاوێنه: هەر سێ فراکسیۆنی هەڵویست، یەکگرتو و کۆمەڵ لە ئەنجومەنی نوێنەرانی عێراق لەسەر گرانی و بەرزبونەوەی نرخی بەنزین وغازو سوتەمەنی راگهیهندراوێكی هاوبهشیان بڵاوكردهوه.
له راگهیهندراوهكهدا هاتوه "بەهیج شێوەک بێدەنگ نابین لە ئاست ئەم ستەم و نادادی و کەمتەرخەمییەی بەرامبەر بە هاوڵاتیانی هەرێم دەکرێت."
جهختیشیان كردۆتهوه "هەمو هەوڵ و تواناکانمان چڕدەکەینەوە لەڕێی پەرلەمان و لیژنە پەیوەندیدارەکان و سەردانی ڕاستەوخۆی وەزارەتی نەوت و گرتنەبەری هەمو ڕێگایەکی یاسایی و ئیداری بۆ ڕێگریکردن لەم قۆرخکارییە ئاشکرایە، کە حکومەتی کاربەڕێکەری هەرێم بەرامبەر بە هاوڵاتیان دەیکات."
ئاماژهیان بهوهش كردوه "حکومەتی کاربەڕێکەری هەرێمی کوردستان بەرپرسیاری یەکەمی ئەم گرانی و قۆرخکارییەیە کە لە بازاڕی سوتەمەنیدا هەیە، نەمانی شەفافییەت لە داهاتی نەوت و پاڵاوگەکان، باجەکەی تەنها هاوڵاتیانی بەشمەینەتی هەرێم دەیدەن."
سێ فراكسیۆنهكه وتوشیانه، داوا ئاراستەی سەرۆک وەزیرانی عێراق و وەزارەتی نەوتی فیدراڵی دەکەین، بەپێی بنەماکانی دەستورو هاوڵاتیبون، پشکی پارێزگاکانی (هەولێر، سلێمانی، دهۆک، هەڵەبجە) لە بەنزینی کوالیتی بەرزو بە نرخی پاڵپشتیکراوی حکومی زیاد بکەن و ڕێگانەدەن هاوڵاتیانی هەرێم ببنە قوربانی ململانێ سیاسییەکان.
دهقی راگهیهندراوهكه:
بەناوی خوای بەخشندەی میهرەبان
لە کاتێکدا هاوڵاتیانی هەرێمی کوردستان، بەدەست قەیرانی ئابووری و دواکەوتنی مووچەو چەندەها گرفتی ئابورییەوە دەناڵێنن، بارگرانییەکی تری تاقەتپڕوکێن خراوەتە سەر شانیان، ئەویش بەرزبونەوەی نرخی بەنزین غازو سوتەمەنییە، ئەم دۆخە نەخوازراوە کاریگەری ڕاستەوخۆی کردوەتە سەر بژێوی ڕۆژانەی کاسبکاران، شوفێران و سەرجەم چین و توێژەکانی کۆمەڵگا.
ئێمە وەک ئەم سێ فراکسیۆنە کوردستانییە لە بەغدا، پاڵپشت بەو متمانەیەی پێمان بەخشراوە، ڕایدەگەیەنین کە بەهیج شێوەک بێدەنگ نابین لە ئاست ئەم ستەم و نادادی و کەمتەرخەمییەی بەرامبەر بە هاوڵاتیانی هەرێم دەکرێت، بۆیە بۆ ڕایگشتی ڕونیدەکەینەوە کە ئەم هەنگاوانە دەگرینە بەر:
یەکەم: هەمو هەوڵ و تواناکانمان چڕدەکەینەوە لەڕێی پەرلەمان و لیژنە پەیوەندیدارەکان و سەردانی ڕاستەوخۆی وەزارەتی نەوت و گرتنەبەری هەمو ڕێگایەکی یاسایی و ئیداری بۆ ڕێگریکردن لەم قۆرخکارییە ئاشکرایە، کە حکومەتی کاربەڕێکەری هەرێم بەرامبەر بە هاوڵاتیان دەیکات.
دوەم: حکومەتی کاربەڕێکەری هەرێمی کوردستان بەرپرسیاری یەکەمی ئەم گرانی و قۆرخکارییەیە کە لە بازاڕی سوتەمەنیدا هەیە، نەمانی شەفافییەت لە داهاتی نەوت و پاڵاوگەکان، باجەکەی تەنها هاوڵاتیانی بەشمەینەتی هەرێم دەیدەن.
سێیەم: داوا ئاراستەی سەرۆک وەزیرانی عێراق و وەزارەتی نەوتی فیدراڵی دەکەین، بەپێی بنەماکانی دەستور و هاوڵاتیبون، پشکی پارێزگاکانی (هەولێر، سلێمانی، دهۆک، هەڵەبجە) لە بەنزینی کوالیتی بەرزو بە نرخی پاڵپشتیکراوی حکومی (٤٥٠ دیناری) زیاد بکەن و ڕێگا نەدەن هاوڵاتیانی هەرێم ببنە قوربانی ململانێ سیاسییەکان.
هاونیشتمانیانی بەڕێز..
ئێمە لە بەغداوە بەردەوام دەبین لە بەکارهێنانی سەرجەم کارتە یاسایی، دەستوری و پەرلەمانییەکانمان بۆ کۆتاییهێنان بەم نادادییە و سوککردنی ئەو بارگرانییە ئابورییەی خراوەتە سەر شانتان.