پارتی یەکسانی و دیموکراسی گەلان (دەم پارتی) لەژێر دروشمی "بەرەو کۆمەڵگەیەکی دیموکراتیک بەسەرکردایەتی ئازاد" لەسارەکانی "وان"و "میآرسین" بە بەشداری هەزاران کەس ئەنجامداو داوای ئازادکردنی عەبدوڵا ئۆجەلانی سەرۆکی پەکەکەیان کرد.
ئاوێنە: لە گردبوونەوەکەدا کە لە شاری مێرسین ئەنجامدرا، تولای هاتیمۆغولاری هاوسەرۆکی دەم پارتی و چەتین ئەرکاش ئەندامی پێشووی سکرتاریەتی ئیمرالی بەشدارییان کرد و لە گردبوونەوەکەدا لە شاری وان، کەسکین بایندر هاوسەرۆکی دەبەپە و سەباحەت تونجەل هاوسەرۆکی پێشووی هەدەپە ئامادەبوون.
سێبەهات تونجەل، هاوسەرۆکی پێشووی هەدەپە لە شاری وان لەگردبوونەوەکەدا وتی "هەموومان پێکەوە ئازاد دەبین، ئەگەر سەرکردایەتی گەلێک ئازاد نەبێت، ئەوا ئەو گەلەش ئازاد نییە، ئەگەر بتەوێت ئاشتییەکی ڕاستەقینە لەم وڵاتەدا هەبێت، ئەوە تەنیا بە یەکسانی و ئازادی هەردوولا بەدیدێت. دەوڵەت هەمیشە تاکلایەنە ئەم پرۆسەیەی وەک 'تورکیایەکی بێ تیرۆر' خستووەتە بەردەم ڕای گشتی تورکیا، بەڵام بەڕێز ئۆجەلان تەنیا لەڕێگەی شاندەکانەوە قسەی دەکرد و ئەم پرۆسەیەی وەک سەرەتای ژیانێکی نوێ لە چوارچێوەیەکدا دانا و بە بانگەوازی ئاشتی و کۆمەڵگەیەکی دیموکراتی ناوی برد. سوپاسی دەکەین بۆ ئەوە. ئازادی ئۆجالان ئازادی گەلێکە".
وتیشی "لە ماوەی ٥٠ ساڵی ڕابردوودا باجی قورسمان داوە و بەرگەی ئازاری گەورەمان گرتووە، بەڵام هەرگیز چۆکمان دانەداوە؛ ئێمە بەرەنگار بووینەوە و سەرکەوتنمان بەدەستهێنا. سەرکردایەتی کورد بانگهێشتنامەیەک دەردەکات. بە خەڵک و ژنانی کوردستان دەڵێن: پڕۆسەی دانپێدانانم تەواو کردووە؛ ئێستا کاتی ئازادییە. لێرەوە داوای ئازادی بۆ عەبدوڵڵا ئۆجەلان دەکەین. بەڵام دەوڵەت هێشتا شێوازی خۆی نەگۆڕیوە. دەرگای ئیمرالی لەلایەن گەلەوە دەکرێتەوە نەک دەوڵەت. پێویستە بۆ ئەوە خەبات بکەین. ئازادی بەڕێز ئۆجالان ئازادی گەلێکە. ئازادی ئۆجالان ئازادیی هەموو کوردستانە. کاتێک کورد داوای ئازادی ئۆجالان دەکات، لەڕاستیدا داوای ئازادی خۆی دەکات. خەڵکی تورکیا ئاشتییان دەوێت. هەروەک چۆن ڕاستگۆترین ڕۆشنبیران و ڕۆشنبیرانی ئازا و ئازادی وەک قادر ئینانیر ویستویانە”.
وا بڕیارە سبەی یەکشەممە گردبوونەوەی گەورە لە ئەستەنبوڵ و دیاربەکر ئەنجام بدرێت. گردبوونەوەکە لە ئەستەنبوڵ کاتژمێر ٤ی پاشنیوەڕۆ لە گۆڕەپانی باغجلار بەڕێوەدەچێت. لە گردبوونەوەکەی ئەستەنبوڵدا، تونسێر باکرحان هاوسەرۆکی دەم پارتی و ئایشەگول دۆغان وتەبێژی دەم پارتی قسە دەکەن.
گردبوونەوەکە لە دیاربەکر کاتژمێر ٥ی ئێوارە لە گۆڕەپانی ئیستاشۆن بەڕێوەدەچێت. لەم گردبوونەوەیەدا، چیگدەم کلیچگون ئوچەر هاوسەرۆکی دەبەپە و وەیسی ئاکتاش، لە زیندانی ئیمرالی ئازاد کرا، وتار پێشکەش دەکەن.