سەرچاوەیەکی ئەمنی بڵاویکردەوە، هێزەکانی ئۆپراسیۆنە هاوبەشەکانی عێراق لە ناوچەی "جورف نەداف" لە نزیک بەغدای پایتەخت، دەستبەرداری ئۆپراسیۆنێک بوون و ئابڵوقەی بارەگای گروپێکی چەکدارییان داوە کە کارگەیەکی دروستکردنی فڕۆکەی بێفڕۆکەوانی (درۆن) تێدا جێگیرکراوە.
ئاوێنە: بەپێی زانیارییەکانی سەرچاوەکە بۆ ماڵپەڕی "شەفەق نیوز"، ئەمڕۆ هەینی (٢٤ی تەمووز)، هێزێکی ئەمنی عێراقی گەمارۆی بارەگای ئەو گروپە چەکدارەیان داوە. ئەگەرچی ناوی ڕێکخراوەکە بە فەرمی ڕانەگەیەندراوە، بەڵام ئاماژە بەوە کراوە کە گرووپەکە لە چوارچێوەی دەستەی حەشدی شەعبیدا کاردەکات.
هەروەها سەرچاوەکە جەختی لەوە کردووەتەوە، لە ماوەی ڕابردوودا ئەو بارەگایە وەک بنکەیەک بەکارهێنراوە بۆ ئاراستەکردنی فڕۆکەی بێفڕۆکەوان بەرەو باڵیۆزخانەی ئەمریکا لە بەغدا و فڕۆکەخانەی نێودەوڵەتیی بەغدا.
زیاتر لەوەش، سەرچاوەکە ئاشکرایکردووە لە دەوروبەری بارەگاکە تەقەیەکی زۆر دەبیسترێت و بەپێی دواین زانیارییەکان ئۆپراسیۆنە ئەمنییەکە لە ناوچەکەدا هێشتا بەردەوامیی هەیە.