به‌ڕێوه‌به‌ری نوسینگه‌ی راگه‌یاندنی نوری مالیكی، سه‌رۆكی هاوپه‌یمانی ده‌وڵه‌تی یاسا جه‌خت ده‌كاته‌وه كه هاوپه‌یمانییه‌كه‌یان پشتیوانی له كۆنترۆڵكردنی چه‌ك له‌ده‌ستی ده‌وڵه‌تدا ده‌كات به‌ڵام له‌ڕێگه‌ی ئاشتی و به‌دور له روبه‌ڕوبونه‌وه‌ی ناوخۆیی و رشتنی خوێن.
ئاوێنه: هیشام ركابی، به‌ڕێوه‌به‌ری نوسینگه‌ی راگه‌یاندنی نوری مالیكی، سه‌رۆكی هاوپه‌یمانی ده‌وڵه‌تی یاسا، له په‌یامێكدا له سه‌كۆی ئێكس نوسیویه‌تی "هەڵوێستی هاوپەیمانیی دەوڵەتی یاسا ڕون و نەگۆڕە، ئەویش پشتیوانیکردنی كۆنترۆڵی چەکە له دەستی دەوڵەتدا بەپێی دەستورو یاسا، بەڵام بەجۆرێک کە ئاشتیی کۆمەڵایەتی بپارێزێت و عێراق لە هەر ڕوبەڕوبونەوەیه‌كی ناوخۆیی یان ڕشتنی خوێن بەدور بگرێت."
هشام ركابی جه‌ختیشی كردۆته‌وه "چه‌سپاندنی دەسەڵاتی دەوڵەت به دروستكردنی گرژیی بەدەست نایه‌ت، بەڵکو لە ڕێگەی دیالۆگ و ڕێکارە یاساییەکان و سازانی نیشتمانییه‌وه دێته‌دی کە قوربانیدانی عێراقییەکان بپارێزێت."