بەڕێوەبەری کۆمپانیای سۆمۆ ئاشكرایكرد، رێککەوتنی نهوتیی نێوان حکومەتی عێراق، حکومەتی هەرێمی کوردستان و کۆمپانیاکانی نەوت نوێکراوەتەوە و نوێکردنەوەکەش بۆ ساڵێکە.
ئاوێنه: عەلی نزار، بەڕێوەبەری کۆمپانیای بەبازاڕکردنی نەوتی عێراق (سۆمۆ)، ئهمڕۆ چوارشهممه، له لێدوانێكدا بۆ روداو وتی، رێککەوتنە سێقۆڵییەکەی نێوان حکومەتی فیدراڵی، حکومەتی هەرێمی کوردستان و کۆمپانیاکانی نەوت لە هەرێمی کوردستان نوێکراوەتەوە.
بەوتەی بەڕێوەبەری کۆمپانیای سۆمۆ، رێککەوتنە سێقۆڵییەکە بەپێی ماوەی رێککەوتنەکەی تورکیا درێژکراوەتەوە.
رۆژی 1ـی ئابی 2026، وەزارەتی نەوتی عێراق و وەزارەتی وزەی تورکیا رێککەوتنێکی نوێیان بۆ هەناردەکردنی نەوتی عێراق لەڕێگەی بەندەری جەیهانی تورکییاوە بۆ یەک ساڵ واژۆکرد. بەپێی رێککەوتنەکە، ئاستی هەناردە دەگاتە 750 هەزار بەرمیل لە رۆژێکدا.