بە ١٠١ واژۆوەوە داوا دەکرێت لەبری ناردنی ٥٠ هەزار بەرمیل نەوتەکە بۆ هەرێم، راستەوخۆ عێراق بەنزینی ٤٥٠ هەزاری و نەوت و گاز بۆ هەرێم دابین بکات.
ئاوێنە: کاوە عەبدولقادر، پەرلەمانتاری نەوەی نوێ لە پەرلەمانی عێراق لە پێگەی فەرمی خۆی نوسیویەتی "پڕۆژەیەکمان ئامادە کردووە و(١٠١) واژۆی بۆ کۆکراوەتەوە و داوا لەسەرۆکایەتی پەرلەمان دەکەین بڕیارێکی پەرلەمانی (قرار نیابی) دەربکات".
لەبارەی ئەو بڕیارەشەوە ناوبراو وتویەتی "بڕیارە پەرلەمانیەکە بۆ ئەوەیە وەزارەتی نەوتی عێراق لەجیاتی ئەو (٥٠) هەزار بەرمیل نەوتەی دەیداتە هەرێم، ڕاستەوخۆ بەنزینی (٤٥٠) هەزار دیناری و نەوت و گاز بۆ هەرێمی کوردستان دابین بکات هاوشێوەی پارێزگاکانی تری عێراق".