عهلی زهیدی، سهرۆك وهزیرانی عێراق سهردانی نوری مالیكی، سهرۆكی هاوپهیمانی دهوڵهتی یاسای كردو له كۆبونهوهی نێوانیاندا چهند پرسێكیان تاوتوێ كردو جهختیشیان له پهلهكردن له تهواوكردنی كابینهی حكومهتی عێراق كردهوه.
استقبل رئيس ائتلاف دولة القانون السيد نوري المالكي، بمكتبه اليوم رئيس مجلس الوزراء السيد علي الزيدي،
ئاوێنه: بهپێی راگهیهندراوێكی نوسینگهكهی، ئهمڕۆ شهممه، نوری مالیكی سهرۆكی هاوپهیمانی دهوڵهتی یاسا له نوسینگهی خۆی له بهغدا پێشوازی كرد له عهلی زهیدی سەرۆک وەزیرانی عێراق.
بهپێی راگهیهندراوهكه، لە کۆبونەوەی نێوانیاندا باسی دوایین پێشهاتەکانی دۆخی سیاسی و ئاسایشی وڵات، ئەو ئاڵنگارییانەی ڕوبەڕوی پڕۆسەی سیاسی دەبنەوە و ڕێگاکانی بەهێزکردنی سەقامگیری و پاراستنی بەرژەوەندییە نیشتمانییەکان، کرا.
هەردو لا جەختیان لە گرنگیی بەردەوامیی هەوڵە سیاسییەکان کردەوە بە جۆرێک کە هاوکار بێت لە چەسپاندنی سەقامگیری، یەکخستنی هەڵوێستە نیشتمانییەکان بەرامبەر دۆسیە و ئاڵنگارییەكانی ئێستا و بەهێزکردنی کاری دامەزراوەکانی دەوڵەت بە شێوازێک کە دەستەبەری خزمەتگوزارییەکان و هێنانەدیی خواستەکانی هاوڵاتییان بکات.
هەروەها جەخت لەسەر پێویستیی پەلەکردن لە تەواوکردنی کابینەی وەزاری کرایەوە، بۆ دەستەبەرکردنی تەواوبونی پێکهاتەی حکومەت و ڕاپەڕاندنی ئەرکەکانی دامەزراوەکانی دەوڵەت بە شێوەیەکی کاریگەر، بە جۆرێک کە توانای حکومەت بەهێز بکات بۆ مامەڵەکردن لەگەڵ دۆسیە سیاسی، ئهمنی و ئابورییەکان، بەپێی بنەمای سازان، شەراکەت و بەرپرسیارێتیی نیشتمانی.
نوری مالیکی جەختی لە گرنگیی زاڵكردنی بەرژەوەندیی نیشتمانی، دابینکردنی پشتیوانیی سیاسیی پێویست بۆ حکومەت و کارکردن بە گیانی هاوکاری و هەماهەنگی لەنێوان هێزە سیاسییە جیاوازەکاندا کردەوە، بە شێوەیەک کە ئاسایش و سەقامگیریی عێراق بپارێزێت و ڕێڕەوی پڕۆسەی سیاسی بەهێز بکات.