عەلی زەیدی، سەرۆک وەزیرانی عێراق و ستیڤن فاگین، ههڵسوڕێنهری باڵیۆزخانهی ئهمریكا له عێراق، جەختیان لە گرنگیی پشتبەستن بە دیالۆگ و ئامرازە دیپلۆماسییەکان کردەوە بۆ کەمکردنەوەی ئاڵۆزییەکان.
ئاوێنه: بهپێی راگهیهندراوێكی نوسینگەی راگەیاندنی سەرۆک وەزیرانی عێراق، ئهمڕۆ یهكشهممه، عەلی زەیدی، سەرۆک وەزیران پێشوازی كردوه له ستیڤن فاگین، ههڵسوڕێنهری كاروباری باڵیۆزخانهی ئهمریكا له عێراق.
وهك له راگەیەندراوەکەدا هاتوه "لە کۆبونەوەی نێوانیاندا تاوتوێی ڕێگاکانی بەهێزکردنی پەیوەندییە دوقۆڵییەکانی نێوان هەردو وڵات و فراوانکردنی ئاسۆی هاریکاریی هاوبەش لە کەرت و بواره جیاجیاکاندا کرا، بە جۆرێک کە بەشدار بێت لە بەهێزکردنی بنەمای شەراکەتی نێوان هەردو وڵات."
ههر بهگوێرهی راگهیهندراوهكه "له كۆبونهوهكهدا باس له کۆی بارودۆخی ناوچەکە كرا لهگهڵ جەختکردنەوە لەسەر گرنگیی پشتبەستن بە دیالۆگ و ئامرازە دیپلۆماسییەکان بۆ کەمکردنەوەی ئاڵۆزییەکان، بە جۆرێک کە ئاسایش و سەقامگیری لە ناوچەکەدا بەهێز بکات و بەرژەوەندیی گەلانی بپارێزێت."