وهفدی ههرێم به سهرۆكایهتی كهمال محهمهد ساڵح، وهزیری سامانه سروشتییهكانی ههرێم لهگهڵ وهزیری نهوتی عێراق كۆبونهوهو تاوتوێی چهند پرسێكیان كردوه لهسهرو ههمویشیانهوه پڕۆژه یاسای نهوت و غاز.
ئاوێنه: بهپێی راگهیهندراوێكی وهزارهتی نهوتی ههرێم، ئهمڕۆ چوارشهممه، باسم محەمەد، وەزیری نەوت، پێشوازی كردوه له وهفدی ههرێم به سهرۆكایهتی کەمال محەمەد ساڵح، وەزیری سامانە سروشتییەکانی هەرێمی کوردستان.
وهك له راگهیهندراوهكهدا هاتوه، لە کۆبونەوەکەدا کۆمەڵێک دۆسیەی پەیوەندیدار بە کەرتی نەوت و غاز تاوتوێ کران لهسهروههمویشیانه پڕۆژه یاسای نەوت و غاز، بە جۆرێک کە بەشدار بێت لە بەهێزکردنی هاریکاری و هەماهەنگیی نێوان حکومەتی فیدراڵی و حکومەتی هەرێمی کوردستان لەم کەرتە گرنگەدا.
بهپێی راگهیهندراوهكه، هەردولا جەختیان لە گرنگیی بەردەوامیدان بە دیالۆگ و هەماهەنگیی هاوبەش کردەوە، بە شێوازێک کە خزمەت بە بەرژەوەندیی نیشتمانی بکات و پاڵپشتی لە گەشەپێدانی کەرتی نەوت و غاز لە عێراق بکات.
وهفدی ههرێم بۆ گفتوگۆ لهبارهی بودجهی 2027 سهردانی بهغدای كردوه.