سەرۆکوەزیرانی عێراق گرێبەستی بەڕێوەبردنی کێڵگەی نەوتی عەجیلی لەنێوان کۆمپانیای نەوتی باکوور و کۆمپانیای KEPT واژۆ كرد.
ئاوێنە: ئەمڕۆ شەممە نوسینگەی ڕاگەیاندنی عەلی زەیدی سەرۆكوەزیرانی عێراق نوسیویەتی "بەسەرپەرشتی عەلی زەیدی، سەرۆکوەزیرانی عیراق گرێبەستی پەرەپێدان و بەڕێوەبردنی کێڵگەی نەوتی عەجیل لە نێوان کۆمپانیای نەوتی باکوور و کۆمپانیای KEPT واژۆ كرا".
ئەوەش هاتووە "واژۆکردنی گرێبەستەکە لەچوارچێوەی هەوڵەکانی وەزارەتی نەوتدایە بۆ زۆرترین بەکارهێنانی سەرچاوەکانی هایدرۆکاربۆن و زیادکردنی بەرهەمهێنانی نەوت و گاز و باشکردنی بەکارهێنانی سەرچاوەکانی کێڵگە نەوت و گازییەکان".
ئاماژەی بەوەشکردووە، بەمەش ئاسایشی وزە بەهێزتر دەبێت و پشتگیری لە سیستەمی بەرهەمهێنانی کارەبای وڵات دەکات.
لە راگەیەندراوەکەدا ئەوەش خراوەتەروو، كە بەرهەمهێنانی غازی كێڵگەكە لە ١٣٥ ملیۆن پێ سێجا لە ڕۆژێکدا بۆ ٣٠٠ ملیۆن پێ سێجا بەرزدەکاتەوە، هاوکات بەرهەمهێنانی نەوت لە ٣٠ هەزار بەرمیلی ڕۆژانەوە بۆ ٤٠ هەزار بەرمیل لە ڕۆژێکدا بەرزبکاتەوە.