بەیانی ئەمڕۆ چوارشەممە، نرخی گۆڕینەوەی دۆلاری ئەمریکی بەرامبەر بە دیناری عێراقی لە بازاڕەکانی شاری بەغدای پایتەخت، بەرزبوونەوەیەکی نوێی تۆمارکرد.
ئاوێنە: بەپێی داتاکانی بازاڕ، نرخی دۆلار لە هەردوو بۆرسەی سەرەکیی (کفاح) و (حارسیە) لە بەغدا بەرزبوونەوەی بەخۆیەوە بینیوە و گەیشتووەتە 157,250 دینار بەرامبەر بە 100 دۆلاری ئەمریکی، ئەمەش لە کاتێکدایە کە لە مامەڵەکانی دوێنێ سێشەممەدا نرخەکەی 156,600 دینار بووە.
لە هەمان چوارچێوەدا و لەسەر ئاستی بازاڕە ناوخۆییەکان، نرخی مامەڵەکردن لە نووسینگەکانی ئاڵوگۆڕی دراو لە بەغدا بەرزبوونەوەی هاوشێوەی تۆمارکردووە. بە جۆرێک نرخی فرۆشتن گەیشتووەتە 157,750 دینار بۆ هەر 100 دۆلارێک، لە بەرامبەریشدا نرخی کڕین بە 156,750 دینار بۆ هەمان بڕ دیاریکراوە.