بهپێی راگهیهندراوێكی هاوبهشی توركیاو عێراق، عهلی زهیدی، سهرۆك وهزیرانی عێراق و رهجهب تهیب ئهردۆغان، سهرۆك كۆماری توركیا له كۆبونهوهی نێوانیاندا له نیویۆرك رێككهوتن لهسهر ئهوهی كه هێزهكانی توركیا قۆناغ به قۆناغ سهربازگهی باشیك-زلێكان رادهستی هێزهكانی عێراق بكهنهوه.
ئاوێنه: دوای كۆبونهوهی نێوان عهلی زهیدی، سهرۆك وهزیرانی عێراق و رهجهب تهیب ئهردۆغان، سهرۆك كۆماری توركیا له پهراوێزی دانیشتنهكانی كۆمهڵهی گشتی نهتهوه یهكگرتوهكان له نیویۆرك، ئهمشهو چوارشهممه، عێراق و توركیا راگهیهندراوێكی هاوبهشیان بڵاوكردهوه.
بهپێی راگهیهندراوهكه، لە میانی گفتوگۆکاندا کە تێیدا دەسەڵاتدارانی عێراق و تورکیا تاوتوێی پەیوەندییە ستراتیژییەکانی نێوان هەردو وڵاتیان لە هەمو لایەنەکانەوە کرد، سهرۆك وهزیرانی عێراق و سهرۆك كۆماری توركیا ڕێککەوتن لەسەر قوڵکردنەوەی هاریکارییەکان لە بواری ئەمنیدا؛ لەم ڕوانگەیەشەوە، ڕێککەوتن لەسەر سەپاندنی تەواوەتی دەسەڵاتی دەوڵەتی عێراق لە شەنگال و کۆتاییهێنان بە "بونی چەکدارە بیانییە قەدەغەکراوەکان."
ههر بهگوێرهی راگهیهندراوهكه، لە چوارچێوەی ئەو پێشکەوتنانەی عێراق لە ڕێگەی هەنگاوە ئەمنییەکانەوە بەدەستیهێناون، ههردو لا رێككهوتن لهسهر ئهوهی كه هێزەکانی تورکیا سەربازگەی باشیك-زلیکان، قۆناغ به قۆناغ و بەپێی میكانیزم و خشتەیهكی زهمهنی رێككهوتن لهسهر كراو، رادەستی حکومەتی فیدراڵیی عێراق بكهنهوه.
وهك له راگهیهندراوه هاوبهشهكهدا هاتوه، هەروەها هەردولا ڕێککەوتن لەسەر فراوانکردنی قەبارەی بازرگانی و وەبەرهێنانی دوقۆڵی و جێبەجێکردنی دەستبەجێی ڕێککەوتننامە ئیمزاکراوەکان و خێراکردنی پڕۆژە ستراتیژییە هاوبەشەکان، بەتایبەتی پڕۆژەی ڕێگای گەشەپێدان.