2020-01-28 1941
لەبەر مەترسی ڤایرۆسی كۆرونا ئەڵمانیا داوا لەهاوڵاتیانی دەكات چین بەجێ بێڵن و سەفەریشی بۆ نەكەن، یەکەم حاڵەتی توشبون بە نەخۆشی ڤایرۆسی کۆرۆنا پشتڕاستکردەوە.
ئاوێنه: وەزارەتی تەندروستی هەرێمی باڤاریا بڵاویکردەوە، لە شارۆچکەی ستانبێرگ کە بە 30 کیلۆمەتر دەکەوێتە باشووری رۆژهەڵاتی شاری میونشن، پیاوێک دووچاری نەخۆشیەکە بووە، ئاشکراشکراوە، کەسە دۆخی باشە و لە ژێر چاودێری وردی پزیشکییدایە، بەڵام ناسنامە و تەمەنی کەسە تووشبووەکە رانەگەیندرا.
هاوشێوەی وڵاتانیتر ئەڵمانیاش لەهەوڵی ئەوەدایە هاووڵاتیانی خۆی لەوڵاتی چین بەتایبەتی شاری وهان بەهۆی بڵاوبونەوەی ڤایرۆسی كورونا بپارێزێت بۆ ئەم مەبەستە بەرلین هۆشداری دایە هاووڵاتیانی تا سەفەری وڵاتی چین نەكەن ئەگەر زۆر زۆر پێویست نەبێت و داواشی لەهاوڵاتیانی كرد سەفەرەكانیان هەڵوەشێننەوە یان دوای بخەن بۆ كاتێكی تر.
بۆ ئەم مەبەستە تیمێكی باڵوێزخانەی ئەڵمانی لەپەكینی پایتەختەوە سەردانی شاری وهان دەكات كەسەرچاوەی سەرهەڵدانی ڤایرۆسەكەیە بەمەبەستی هاوكاری و یارمەتی ئەو هاوڵاتیە ئەڵمانانەی كەنیشتەجێی ئەوێن و بەدەیان كەس مەزەندە دەكرێن،وەزیری دەرەوەی ئەڵمانیا ئاماژەی بەوەشداوە لیژنەی ئیدارەدانی قەیرانەكان لەوەزارەتەكەی كۆبونەتەوە بۆ لێكۆڵینەوەو پلانی ڕوبەڕوبونەوەی ئەو ڤایرۆسە ئەم ڕێوشوێنەی ئەڵمانیا لەكاتێكدایە كەولاتانی فەرەنساو ئەمریكاش دەستیكردووە بەهەڵمەتی هێنانەوەی هاوڵاتایانیان لەولاتی چین.