2020-02-05 1232
رێڤه‌به‌رێ سه‌نته‌رێ چاره‌سه‌ریا په‌نچه‌شێرى و نه‌خۆشین خوینى ل دهۆكێ به‌حس لسه‌ر نه‌خوشیا شێرپه‌نجێ و ئامارێن دهوكێ كر و گوت: ل گۆرى ستانده‌رێن جیهانى ژى هه‌تا نوكه نه‌خۆشێن شێرپه‌نجێ ل دهۆكێ ده‌رباز نه‌بووینه و خه‌لك هزر دكه‌ن ئه‌ڤ رێژه زێده‌بووینه راسته لێ هیشتا ل بن ئاماران ستاندارێن جیهانێ داینه.
ئاوێنه، وارهێل نێروه‌یى: د.زه‌كى عه‌لى به‌روارى، رێڤه‌به‌رێ سه‌نته‌رێ چاره‌سه‌ریا شێرپه‌نجێ ونه‌خۆشین خوینى ل دهۆكێ دیاركر: ل گوره‌یى ئامارێن هاتینه تومار كرن ل دهۆكێ 1.310 كه‌س تووشى نه‌خۆشیا شێرپه‌نجێ بووینه ژوانا ژى 592 ره‌گه‌زى نیر بووینه و 715 ژى ئافره‌ت بوون و دگه‌ل 3 زارۆك بووینه، ل رۆژا 1/1/2019 هه‌تا نوكه 4/2/2020 ێ كو ل دهۆكێ 463 كه‌سان ژبه‌ر نه‌خۆشین شێرپه‌نجێ گیانى خوه ژده‌ستداینه.
ناڤهاتى زێده‌تر گۆت: هنده‌ك ئه‌گه‌ر هه‌نه مرۆڤ دشیت كونترول بكه‌ت وه‌كو ژینگه‌هى و خارنێ و ڤه‌خارنێ و هنده‌ك ئه‌گه‌ر ژى هه‌نه جیناتى نه وهه‌موو جۆرێن شێرپه‌نجێ توند نینن لێ نه‌خۆشیا قولونى و سینگى باش نینن پێدڤیه زوو بهێنه چاره‌سه‌ركرن ل دهۆكێ ده‌ست نیشانكرنا ڤێ نه‌خۆشى هه‌یه دووڤ خشته‌كێ كار بۆ وان دهێته كرن ئه‌م كاردكه‌ین باشتر جۆرى ده‌رمان بگه‌هته دهۆكێ لێ نه‌خۆشیا شێرپه‌نجێ ژى وه‌كو هه‌موو نه‌خۆشین دى یه خه‌لك وه‌سا هزردكه‌ن هه‌ما شێرپه‌نجێ مرنا نه‌خیر نوكه چاره‌سه‌رى هه‌یه ل دهۆكێ چه‌ندین ئامیرین نوو هاتینه دابینكرن و ده‌رمان و پێدڤین ڤێ نه‌خۆشى ژى دابینكرینه.
گۆت: جۆرى سووته‌مه‌نیى چه‌ند یێ خراب بیت وچه‌ند مه‌ترسیى بیت و ژینگه‌ه پیس بیت فاكته‌رى مه‌ترسیى بۆ نه‌خۆشیا شێرپه‌نجێ زێده‌تر بیت و هه‌بوونا ماده‌ێن پیس ناڤ هه‌وایێ دا و گه‌له‌ك جاران هه‌بوونا شه‌ران ژى وبكارئینانا چه‌ك ئه‌ڤه هه‌موو ئه‌گه‌رن بۆ په‌ێدابوونا ڤێ نه‌خۆشى.