چین دۆزینەوەی چارەسەری بۆ ڤایرۆسی كۆرۆنا ڕاگەیاند
  2020-02-05       1819       
ئاماری گیان لە دەستدان بەهۆی كۆرۆناوە لە چین بۆ ٤٩٢ بەرز بوەوە و كەناڵی ڕەسمی چینیش ڕایگەیاند، تیمێكی توێژینەوەی زانكۆی ''جیجانگ'' چارەسەرێكی گونجاو و كارایان بۆ ڤایرۆسی كۆرۆنا دۆزیوەتەوە.

ئاوێنه‌: كەناڵی ڕەسمی چین ڕایگەیاندووە، لەلایەن تیمێكی توێژینەوەوە لە زانكۆی ''جیجانگ'' دەرمانێكی گونجاو بۆ ڕووبەڕووبوونەوەی ڤایرۆسی كۆرۆنا دۆزراوەتەوە و دەرمانەكە لەسەر مرۆڤ تاقیكراوەتەوە و سەركەتوو بووە .

هاوكات، وەزارەتی تەندروستی چین لە ڕاگەیەندراوێكدا بڵاویكردەوە تا ئێستا ٤٩٢ حاڵەتی گیان لە دەستدان بەهۆی ڤایرۆسی كۆرۆناوە تۆمار كراوە، لە كۆی ٢٤ هەزار و ٣٢٤ كەسی توشبووش لە ٣١ هەرێمی جیاوازەوە، ٣ هەزار و ٢١٩ كەس لە حاڵەتێكی خراپدان و ٤٩٢ كەسیش گیانیان لە دەستداوە، هەروەها ٩٠٠ كەس چاكبوونەتەوە و لە نەخۆشخانەكان دەكراون.

 

زۆرترین بینراو
© 2020 Awene Online, Inc. All Rights Reserved.
×