2020-02-23 1891
دهوك: دوو دەرمانخانە و سێ جهێن فروتنا جهێن پزشكی هاتنە گرتن
لیژنا قائیمقامیا قەزا دهوك پێنج جهێن فروتنا كەل و پەل وپێدڤێن پزشكی و دەرمانخانە ژبەر گران كرنا بهایێن ماسكان بۆ ماوەیەكێ نەدیار هاتنە سزادان و گرتن.
ئاوێنە، وارهێل نێروەیی: د.ئاراس مستەفا، ئەندامێ لیژنا قائیمقامیا قەزا دهوك بۆ " ئاوێنە " راگەهاند: پشتی كو ڤایروسێ كۆرۆنا ل هندەك وەلاتێن جیران هاتیە دیتن چەندین كەسان گیانێ خوە ژدەست دایە و هندەك ژی هەلگرێن ڤێ ڤایروسینە لەورا جورە ترسەك دناڤا وەلاتێن هەرێما كوردستانێ و پارێزگەها دهوكێ ژی دروست بوویە لەورا خواست لسەر بكارئینانا ماسكان زێدە بوویە ئەڤ چەندە ژی هندەك جهـ و لایەن ب دەرفەت دزانن و ب گرانكرنا بهایێ وان لەورا ئەڤ لیژنە هاتیە پێك ئینان بۆ سزادانا هەمی وان جها یێت سەرپێچییان دكەن.
گوت ژی: پشتی مەن دیفچوون كرین دیار بوو وان دەرمانخانا هەبوو بەری نها بهایێ ماسكێ 1250 دیناران دفروت و بهایێن ڤان رۆژا ب 15,000 هزار دیناران فروتینە لەورا لیژنێ 2 دەرمانخانە و 3 جهێن فروتنا كەل و پەلێن فروتنا پێدڤێن نوشداری بۆ ماوەیەكێ نەدیار هاتنە گرتن.
گوت ژی: ئەڤ دیفچوونە دێ یا بەردەوام بیت هەر جهەكێ سەرپێچیێ و زێدەگاڤیان بكەت ژ گران كرنا بهایێن ماسك و پێدڤێن نوشداری دێ توندی هێنە سزادان.
ژلایەكێ دی ڤە ئەڤرۆ رێڤەبەریا گشتی ساخلەمیا دهوكێ د كونگرەیەكێ رۆژنامەڤانی دا دیار كر بوو هەتا نها چ حالەتێن ڤێ ڤایروسێ ل دهوكێ نەهاتینە تومار كرن و هەمی بەرهەڤی هاتینە كرن و هەر كەس و پەیجێن تورێ كومەلایەتی دەنگویەكێ نەراست بەلاڤ بكەت دێ پێرابوونێن یاسایێ بەرامبەر هێنە وەرگرتن.