قایمقامێ قەزا دهوكێ راگەهاند: ئەڤرۆ 26ێ شوباتا 2020 ێ لیژنا دیفچوونا بازاری سەرەدانا چەندین كوگەهێن كەرەستێن خوارنێ ل سەنتەرێ پارێزگەها دهوكێ كرن و كوگەهەك بناڤێ ( ئاسان ) یا كەرەستێن خوارنێ هاتە گرتن و خودانێ وێ ژی بۆ دادگەهێ هاتە رەوانەكرن.
ئاوێنە، وارهێل نێروەیی: جەهوەر عەلی، قایمقامێ قەزا دهوكێ سەبارەت ئەگەرێن سزادانا وی جهی ژی دیار كر: ئەو كوگەهە هیچ رێنمایێن ساخلەمیێ تێدا نەبوون و مولەتا كوگەهێ نەبوویە هەورەسا نێزیكی 4 تەنێن كەرەستێن خوارنێ ژ برنج و شەربەت (ئێكسپایەر)دەم سەرڤەچووی تێدا هاتنەدەستەسەركرن.
ناڤهاتی گوت ژی: سەرپێچیا هەرە دیار ئەو بوو برنجێ ئیكسپایەر ل هندەك كیسێن نوو دهاتنە كرن دەمێ بەرهەم ئینانێ و ئێكسپایەرێ لسەر هاتیە دانان و ب ئامیرەكێ دهاتنە قەپات كرن و نیاز بوو ڤی برنجێ د بازاری دا فروشیت.
ئەڤە ددەمەكێ دایە پشتی دەركەفتنا ڤایروسێ كۆرۆنا ل وەلاتێن جیران جورە ترسەك ل دەف هاولاتیان كوردستانێ دروست بوویە ئەڤە ژی هندەك بازرگان و دەرمانخانە و جهێن فروتنا پێدڤێن پزشكی چەندین سەرپێچی ئەنجام داینە لەورا ئەڤ لیژنە هاتینە پێك ئینان. لیژنێ سەرەدانا چەندین دەرمانخانە و جهێن پێدڤێن پزشكی كرینە و 12 جهـ هاتنە سزادان و گرتن.