زانكۆیه‌كی ئوستورالی: دەرمانی دژە ئەسپێ سەر كاریگەری لەسەر لەناوبردنی كۆرۆنا هەیە
  2020-04-05       2116       

ماڵپەڕی thenewdailyبڵاویكردەوە، دەرمانی دژە ئەسپێ (ئیفرمكتین) توانای لەناوبردنی ڤایرۆسی كۆرۆنای نوێی هەیە، بەبڕوای لێكۆڵەرەوانی زانكۆی مونای ئوستورالی ئەو دەرمانە دەوانێت لەماوەی دوو ڕۆژدا كاریگەرییەكانی كۆرۆنا لەناوبەرێت.

ئاوێنه‌: د.كایلی وكتاف لەو بارەوە ڕایدەگەیەنێت، ئێمە گەیشتووینەتە ئەو ئەنجامەی كە ئەو دەرمانە دەتوانێت لەماوەی 48 كاتژمێردا ڤایرۆسەكە لەناوبەرێت، تەنانەت لە ماوەی یەك ڕۆژدا كاریگەری بوونی ڤایرۆسی كۆرۆنا لاواز دەكات.

ئەمەش لەكاتێكدایە، تاكو ئێستا بەشێوەیەكی كردەیی چارەسەرەكە دیار نییە، بەڵام پسپۆڕان لەو باوەڕەدان ئەم چارەسەرە ئاساییە و گرفتی بۆ مرۆڤیش نییە، بەڵام تاقیكردنەوەی ئەو چارەسەرە لەوانەیە نزیكەی مانگێك درێژە بكێشێت.

ئیفرمكتین چارەسەرێكە بۆ ئەسپێی سەر كە لە ڕێكخراوی خۆراك و دەرمانی ئەمریكا دروست كراوە كە پێشتر بۆ لەناوبردنی ڤایرۆسەكانی زیكا و ئەنفلۆنزاش كاریگەری هەبووە.
ڤایرۆسی كۆرنا بۆ یەكەمجار لە وڵاتی چین سەریهەڵدا و لە ئێستادا زیاتر لە ملیۆنێك هاووڵاتی لە جیهاندا تووشی ڤایرۆسەكە بوون و بە ڤایرۆسێكی مەترسیدار دادەنرێت، بەپێی زانیارییە پزیشكییەكانیش ڤایرۆسەكە دوای 7 ڕۆژ لە جەستەی مرۆڤ دەردەكەوێت.

زۆرترین بینراو
© 2024 Awene Online, Inc. All Rights Reserved.
×