2020-04-13 3443
بۆ ئەم سەردەمی بڵاوبوونەوەی ڤایرۆسی كۆرۆنایە، كۆئەندامی بەرگریی لەش بەهێزترین چەكی ڕوبەڕوبوونەوەی ڤایرۆسەكەیە، هەربۆیە پێویستە هەموو كەس بزانێت ئەو كۆئەندامەی كێشەی هەیە یاخود نا.
نیشانەکانی لاوازیی كۆئەندامی بەرگری لەش..
1- كێشەكانی كۆئەندامی هەرس: ئەوانەی بەردەوام كێشەی هەرسیان هەیە وەك هەرس نەكردنی خواردن، سكچون، دڵ تێكەڵهاتن، هەڵاوسانی سك و غازات كە بەردەوام لە كەسەكەدا دووبارە دەبنەوە، پێدەچێت نیشانەی لاوازیی و كێشە بن لە سیستمی بەرگری لەش.
2- زۆرتووشبوون بە پەتا وەرزییەكان: تووشبوون بە ئەنفلۆنزا و هەڵامەت بە شێوەیەكی بەردەوام نیشانەی لاوازیی كۆئەندامی بەرگری و كەم تواناییەتی بۆ ڕوبەڕوبوونەوەی ڤایرۆس و نەخۆشییەكان.
3- هەستكردن بە ماندوێتی و لاوازیی بەردەوام: زۆر هۆكار هەن وادەكەن كەسێك هەست بە ماندوێتی و لاوازیی زۆر بكات، بەڵام ئەگەر ئەم حاڵەتە بەردەوام بێت بەبێ هۆكارێكی دیارییكراو، ئەوە نیشانەیەكی لاوازیی كۆئەندامی بەرگریی جەستەیە.
4- هەوكردنی جیوب: ئەو كەسانەی بەردەوام تووشی هەوكردنی جیوب دەبن بە جۆرێك لە ساڵێكدا دوو جار زیاتر حاڵەتەكە تێیاندا دەربكەوێت، مانای وایە كۆئەندامی بەرگرییان ناتوانێت خانەی پێویست بۆ ڕوبەڕوبوونەوەی ڤایرۆس و نەخۆشییەكان بەرهەمبهێنێت.
5- هەوكردن و فتریاتی بەردەوام: ئەو كەسانەی بەردەوام تووشی هەوكردن و فتریاتی ناو دەم و سەرپێست، جۆرەكانی دیكەی هەوكردن دەبن، كۆئەندامی بەرگرییان لاوازترە بەراورد بە كەسانی دیكە.
6- هەوكردنی گوێ: ئەگەر لە ساڵێكدا زیاتر لە 4 جار تووشی هەوكردنی گوێ ببیت، ئەوان هێمایەكە بۆ لاوازیی كۆئەندامی بەرگری لەش.