2020-05-02 712
سەرۆكی ئەركانی هێزە چەكدارەكانی ئێران ئامادەیی هێزەكەی راگەیاند بۆ هاوكاری ئەو وڵاتانەی دەیانەوێت رووبەرووی كۆرۆنا ببنەوە.
ئاوێنه: محه‌مه‌د باقری، سەرۆكی ئەركانی هێزە چەكدارەكانی ئێران رایگەیاند : " هێزە چەكدارەكانی ئێران ئامادەیی خۆی نیشانداوە هاوكاری و ئەزمون و كادرە پێشكەوتووەكان پێشكەشی وڵاتانی دراوسێ بكات".
بەپێی ئەو راگەیەنراوەی وەزیری بەرگری ئێران بڵاوی كردۆتەوە ، ئێران ئامادەیە لەرووبەرووبوونەوەی كۆرۆنا هاوكاری ئازەربایجان و ئەڤغانستان و پاكستان و عومان و قەتەر و كوێت و سوریا و لوبنان بكات، لەسەرووی هەموویانەوە عێراق.
هاتووە :" ئێران سەركەوتووانە مامەڵەی لەگەڵ ڤایرۆسی كۆرۆنا كرد ، بۆیە ئەگەر وڵاتان نەتوانن بەباشی رووبەرووی پەتاكە ببنەوە دەبێتە هەرەشەكی جدی لەسەر ژیانی هاوڵاتیانیان".