2020-05-17 479
لە ئێران لە میانی ٢٤ کاتژمێری رابردوودا، ٥١ کەسی دیکە بەهۆی ڤایرۆسی کۆرۆنای نوێ (COVID-19) گیانیان لەدەستداوە و ژمارەی ئەو کەسانەی تا ئێستا بەهۆی ڤایرۆسەکەوە گیانیان لەدەستداوە، گەیشتووەتە شەش هەزار و ٩٨٨ کەس.
ئاوێنه: وتەبێژی وەزارەتی تەندروستیی ئێران، کیانوش جیهانپور ئەوەی ئاشکرا کرد کە لە ٢٤ کاتژمێری رابردوودا، ٥١ کەسی دیکە بەهۆی ڤایرۆسی کۆرۆنای نوێ (COVID-19) گیانیان لەدەستداوە، بەمەش ژمارەی ئەو کەسانەی تا ئێستا لەو وڵاتە بەهۆی تووشبوون بە ڤایرۆسەکە گیانیان لەدەستداوە، گەیشتووەتە شەش هەزار و ٩٨٨ کەس.
کیانوش جیهانپور باسی لەوە کرد کە هەزار و ٨٠٦ حاڵەتی نوێی تووشبوون بە ڤایرۆسی کۆرۆنای نوێ (COVID-19) تۆمارکراون و بەمەش ژمارەی حاڵەتە تۆمارکراوەکان گەیشتووەتە، ١٢٠ هەزار و ١٩٨ کەس کە باری تەندروستیی دوو هەزار و ٧٠٥یان ناجێگیرە، ٩٤ هەزار و ٤٦٤ کەسیش چارەسەری پێویستیان بۆ کراوە و دوای چاکبوونەوەیان نەخۆشخانەیان بەجێهێشتوە.
یەکەم حاڵەتی تووشبوون بە ڤایرۆسی کۆرۆنای نوێ (COVID-19) لە ئێران لە ١٩ی شوباتدا لە پارێزگای قوم تۆمارکرا.