ئەمڕۆ دەرمانی ( Dexamethasone )وەك چارەسەری توشبووانی ڤایرۆسی کۆرۆنا لەبه‌ریتانیا ڕاگەیەندرا.

ئاوێنه‌، د. دانا حەمەعەزیز- بەریتانیا: دەرمانی ( Dexamethasone) لەکڵاسی هۆرمۆنی ستیرۆیدەو لەگلاندی (adrenal cortex)ی سەر بڕبڕەی پشت بەرهەم ئەهنرێ.

هەردو پرۆفێسەر (مارتن لاندرەی)و (پیتەر هۆبی) کە سەرکردایەتی تیمی لیکۆڵینەوەی ڤایرۆسی کۆرۆنا ئەکەن لەزانکۆی ئۆکسفۆرد، (Dexamethasone) یان وەك چارەسەرێکی گرنگ بۆ بەرکەوتوانی ڤایرۆسی کۆرۆنا پشتڕاستکردەوە.

زاناکانی به‌ریتانیا ڕایانگەیاندووه‌، بڕێکی نزم لەچارەسەری ستێرۆید، ڕێگەیەکی گرنگە بۆ جەنگین دژی ڤایرۆسی کۆرۆناو بەڕێژەی لە ٣٣% ئەو بەرکەوتوانە لەمردن ڕزگار ئەکا کە لەڕێگەی دەزگای میکانیکی (ventilator)وە هەناسە ئەدەن، هەروەها بەڕێژەی لە ٢٠% ژیانی ئەوکەسانە ڕزگار ئەکا کە لەڕیگەی ئۆکسجینی دەستکردەوە هەناسە ئەدەن.

به‌وته‌ی‌ زاناکان، چارەسەکە زۆر هەرزانەو تەنها پینچ پاوەندی بریتانی تێئەچێ و بەئاسانی لەوڵاتە هەژارەکاندا بەردەستە.

هاوكات مات هانکۆک، وەزیری تەندروستی بەریتانیا لەتویتێكدا نوسیویەتی، "خۆشحاڵم کە ئەمڕۆ یەکەم تاقیکردنەوەی سەرکەوتو بۆ ڤاکسینی کۆڤید19 رادەگەیەنم".