2020-07-07 3411
باشترین رێگا بۆ بەرزکردنەوەی بەرگری لەش‌و خانەکانی لەش بۆ ئەوەی رێگری بکرێت لەتوشبون بەهەوکردنی ڤایرۆسی‌و زو چاکبونەوە له‌کاتی توشبون بەنەخۆشی ڤایرۆسیی لەرێگەی بەهێزکردنی بەرگریی لەشی خۆت:
۱_ جگەرە نەکێشان.
۲_ رۆژانە خواردنی برێکی زۆر لەلیمۆ، تەماتە، کاهو، برۆکۆلی، خەیار، چەوەنەری سور، گێزەر، پیاز، زەنجەفیل، سندی، سیر، زەردەچەوە، سپێناغ‌و سلق، بەزەلاتە یان شلەو شۆربا، هەروەها سێو، بایەم‌و گوێز، هێلکە، خورما، چای سەوز .... زۆر بەسودن.
۳_ زۆر خواردنەوەی ئاو ۱٠ بۆ ۱٥ پەرداخ رۆژانە.
٤_ ڕۆژانە وەرزشکردن بەردەوام خاوەنی هەر کێشێک بیت گرنگە وەرزش بکرێت. هەروەها راگرتنی کێشی ئاسایی گرنگە. (کێشی کەم یا زۆر هیچیان باش نیە بۆ بەرگری لەش).
٥_ خەوی شەوی تەندروست ۷ بۆ ۸ کاتژمێر.
٦_ نەخواردنەوەی ماددە کحولیەکان یان زۆر کەمکردنەوەی.
۷_ئاگاداری خۆت بکە لەتوشبون بەراگرتنی خاوێنی دەستشۆردن‌و باش کولاندنی گۆشت‌و مریشک‌و باش شۆردنەوەی سەوزەوات.
۸_ هەوڵدان بۆ کەمکردنەوەی سترێس و فشاریئیش و کاتدان بەخۆت بۆ ئیسراحەتی مێشکت. یاریکردن لەگەڵ مناڵ، مەلەکردن، یۆگا، شەوان زو نوستن، ڕۆشتنی به‌پێ‌و وەرزش، خواردنی چای گوڵەبەیبون بۆ هێور کردنەوەی مێشک..
۹_ کەمکردنەوەی خواردنی رێستۆرانت‌و فاست فود خواردنی سەر عەرەبانە.
د. بینایی کامەران
پسپۆری خۆراک